Aso Fanau Autalavou P.I.C. Tokoroa

Mana (Auckland), Volume 1, Issue 15, 23 February 1978, Page 5

Aso Fanau Autalavou P.I.C. Tokoroa

O le Aso To’ona’i 11 o Fepuali sa fa’atumulia ai le malumalu o le P.I.C. i Tokoroa i ’Autalavou fa’apea uso a Ekalesia i Tokoroa i le fa’ailogaina o le aso fanau o le ’Autalavou.

Sa ta'ita’i le susuga a Rev. Lagaua Talagi, tatalo le susuga a Rev. Keri Soti ma Safotulafai i Savai’i, a o le susuga a le faife’au mai Matautu o Rev. Pio Field na lauga. Q "Autalavou na sau nia vi’iga, o le "Autalavou mai Rotorua, Taupo, Ekalesia Metotisi Samoa i Tokoroa, fa’apea ma le "autalavou e ona le aso. Manaia le sauni-uniga o vi’iga i le malie o pese, matagofie toniga a "autalavou safa’atasi ai.O le tusi o le Feagaiga Fou sa faitauina e Evi Gaugatao mai Sato’alepai, Fegaiga Tuai sa faitau ina e Pefia aumalo mai Falelatai. O le aoina o le taulaga o sui lava o le "autalavou susuga a Fuga Pati mai Fagali’i, losua Tamateine mai Vailele, Suivai Tofa mai Saipiipi, ma eni Alapati Ulugia mai Vaiusu. O le tala o taualumaga o galuega a le "autalavou i lea tausaga sa lau ina e le susuga a Lua Taufua, o ia lea o le failautusi a le "autalavou. Ina ua ’uma le sauniga, na soso’o lea ma le taumafataga tele laval, mao le susuga a Lagaua Talagi sa fai ma fofoga fetalai i lea po. Fa’ailoga: O le fa’ailoga o le fa’amaoni i Galuega, na tutusa ai le to’a lua Asolelei Uili (Nofoali’i) ma Evisone Gaugatao (Satoalepai) (2) Fuga Pati (Fagali’i) (3) Vaioleti Talagi (Aukilani). (4) Tutusa Pefia Saumalo (Falelatai) ma Sinai Motu (Safata).

Kimiti: (1) Lautausala Pati (Fagali’i), (2) Perenise Ta’ala(Pu’apu’a) (3) Sau Ali’ifa’alogo (Faleapuna), (4) Suiga Tamati (Falelatai). Sa maua e le tina o Talaia Oliva Cowley mai Vaigaga le fa’ailoga o le tina fa’amaopopo ma le amio lelei. Sa maua fo’i e le tina o Pelise Ta’ala mai Vailoa i Faleata le isi fa’ailoga fa’a-pitoa o le tautua le gutua, ma ua tutusa ai la’ua ma Paulo Alapati Ulugia mai Vaiusu. O le tasi o fa’ailoga

fa’apitoa na maua lea e Uato’a Paito (Salesatele). O lenei fa’ailoga, e musu ’ae faiaga i se mea e fai a le ’autalavou.

O le susuga a lakopo Tu’ipala mai le alalafaga o Sili i Savai’i na lauga mo le feiloa’iga. O tofiga ua iai nei i le ’autalavou, Peresetene, o le susuga i le ali’i Faife’au o Lagaua Talagi. Sui Peresetene, Faoasau Onesemo mai Vailele. Failautusi o Amio T. ma o le teu tupe o Sau Ali’ifa’alogo mai Faleapuna.