Tauvaga Taleni i le Kaso

Mana (Auckland), Volume 1, Issue 15, 23 February 1978, Page 5

Tauvaga Taleni i le Kaso

I le po o le Aso To'ona’i o le vaiaso na te’a nei, sa fa’ai’uina ai tauvaga a tagata fa’a fiafia (Talent Quest) a le fale talimalo o le Edinburgh Castle lea o lo’o pule ai le ali’i Samoa o Lulu Lome.

Sa lauiloa le fale talimalo lenei i aso ia ona o lona igoa sa fa’aigoa ai o le “Flying Jugs’’ po’o sia felelei. Talu ai ona pulea e le susuga a Lulu, ua aliali mai le tele o le suiga ma solosolo lelei vaega ’uma o le galuega. O le tasi la lenei o la’asaga ua o’o atu iai le taumafaiga a le Susuga a Lulu Lome, O le tauvaga la lenei a tagata fa’afiafia, sa to’atele lava i alo o lo tatou atunu’u, mau lea o le pese papalagi, a o isi fo’i, o nai pese lava a si o tatou atunu’u. O le ali’i Samoa o Ivanhoe Hunter, o ia lea sa manumalo i le tauvaga o le vaiaso na te’a nei. O le tulaga lua, na maua e le ali’i o Less Beatham, ma le tulaga tolu, o le ali’i pu’upu'u fa’alapo'a o Kauli Lameko. O togi o nei tauvaga pese, Ist $35.00, 2nd $15.00, 3rd $lO.OO Fa’afetai lava i lea alo o le atunu’u ma lona taumafai ina ia fa’amasani ma fa’afealofani tupulaga, ’ae soia le fe’aina’i. E ono vaiaso o le a fai ai pea nei tauvaga, o lea afai e lelei lou si’ufofoga, fa’afeso’ota’i nei loa le susuga a Lulu mo se avanoa o lau pese.