Tu Tau Kore

Mana (Auckland), Volume 1, Issue 14, 9 February 1978, Page 5

Tu Tau Kore

Kua tae te tumatetenga kite ngakau o tetai tamaiti Kuki Airani i Tokoroa, tei kore aia i inangaro i tona ingoa kia na roto mai i teia peapa.

I te Ruitoru ra 1 no Peruare i teia mataiti nei, kua apai ia atu teia tamaiti kite are akava anga. Ko te tumu, no te mea kua ngaa tetai moina iaia ki runga i te mataara maata i Tokoroa. Kia tae ’a aia ki roto i te are akava anga, kua aravei mai tetai tangata♦iaki (warden) Maroi iaia, i te ai mai e, me e roia tona. Kua akakite mai teia tamaiti e kare, i reirakuatukuiaatu aia ki roto i te tikaanga a tetai roia papa’a.

Kia tae kite tuatau no te kapiki mai i tona ingoa, kua tu atu aia ki mua i mata o te akava, ma te irinaki tikai e ka tauturu tona roia iaia. Kia tu aia ki mua i te aroaro o te Akava Maata, kua uiui ia mai tetai uianga kiaia na roto i te reo papa’a. Inara no te marama kore iaia i te

akarongo i te reo papa’a kua Tungouua aia i tona katu. Mei i te toru meneti iaia i te tu anga, kua tukuia mai tona utunga tai-anere-e-rim-angauru tara, e rima tara na runga ake ei tutaki i te taime o te akavaanga. Kua tutaki aia e tai-anejeje-rima-ngauru-ma-rima tara i te katoa anga. Ko te akono anga tau kore ra, kare rava tona roia i kimi ana i tetai ravenga i te kimi anga i tetai ora no teia tamaiti. Teia ua tei mama mai no roto i tona va’a, koia oki, i aere mai ana teia tamaiti i te aravei mai iaia. Ko tona reo meangiti rava teia tana i akakite atu kite Akava Maata. Kia tae teia tamaiti ki vao i te are o te akava anga kua takaviriviri tona katu mate umere o tona manako. Teia te tumu, ko te akaapa anga a te akava e kua ngaa tetai moina iaia ki runga i te mataara maata i Tokoroa, e tika anake te reira. Kareka ra,. kua akakite aia ki tona roia e, e ko te tumu i ngaa ei te moina, kare te reira i te mea akakoro nana kia vaa’i i te moina ki runga i te mataara. I te atinga e tarere ra aia i te moina i roto i tona rima kua patere te moina e kua topa atu ki runga i te

mataara, e kua ngaa rava atu. Ina, kare rava tona roia i kimi i tetai ravenga kite akakite atu kite Akava Maata 1 tana tikai i rave.

E maata tikai te au tu mei teia rai te akara anga, kia tatou te iti tangata Maori. Te riro nei paa tatou i konei ei keia anga na tetai au papaki. No reira, me aravei koe ki teia tu, kia aravai viviki atu i tetai Duty Solicitor i roto i te ngaai akava anga. Akakite i toou manako ki a ia. Nana i reira e kimi atu i tetai ravenga no te kimi atu i tetai roia noou, penei paa ka ria roto atu i te Legal Aid Scheme, me kare ka na roto atu i tetai roia ke, taau ka tutaki atu. E ngari ake e na toou roia koe e tauturu, ka maata ake i reira te tauturu noou. Me kare koe e marama, kia uiui atu koe ki tetai tangata te ka rauka iaia i te tauturu mai i a koe. Kia akakite koe kia ratou e kare koe e marama ana i te au mea e akakiteia mai nei ki a koe. Auraka e mataku, no te mea kare e ture ite akakite mai e. kare o tetai uatu tangata tikanga kia akakite i tona uaorai kamakura ki tetai uatu akava anga. Akamaroiroi e te iti tangata.