E tere no te Peremia ki Tokoroa

Mana (Auckland), Volume 1, Issue 14, 9 February 1978, Page 5

E tere no te Peremia ki Tokoroa

I te Manakai ra 28 no Tainuare i teia mataiti nei, kua tae mai te tere o te Peremia ngateitei o te Kuki Airani ki Tokoroa. I to ratou tae mai anga, kua tarekarekaia atu ratou e tetai pupu ura navenave e te meangiti rava. Ko te aronga tei aru mai i rofo i teia tere, mari ra, ko te Peremia, ko tona Private Secretary koia oki ko tana tamaine rai ko Tutini Graham, Ko tetai ona rima rave koia oki ko tetai ana tamaiti ko Hugh Henry, pera katoa ki tona taote ko Dr George Koteka. Kua tae kite tuatau akaaravei anga, e kuaaraveia atu te Peremia na roto i te pure e Boyce Simiona, raua ko Terae Benioni. Kua akakite te Peremia e ko te tumu maata i tae mai ei aia ki konei, ei akarakara i tona tu makimaki. Kua akakite aia i te tu kino maata tei tupu ki tona pukuatu. E toru koatai tona pukuatu kua kino i na te Peremia mai ei. Inara kare aia i mate. Te maata nei te tangata e tu ia ana i teia tu maki, kare ra ratou i ora. Penei paa ko te Peremia rai te tangata pukuatu maroiroi rava atu. I tona akakite anga i te tumu i tae mai ei aia ki Niu Tireni nei, kua akamata aia i te rave i tana angaanga campaign i taua po rai ki mua i te maata anga o te iti tangata tei tae mai ki taua uipaanga anga. Kua akakite te Peremia e ka rauka iaia i te tuku atu i tetai au pairere kite Kuki Airani i nga ra o te ikianga maata, e ko te aronga te ka inangaro i te aere no te vouti kia aere atu na runga i teia pairere ma te kore ratou e tutaki i to ratou patete. Kua marama ua tatou e, e moni maata te ka pou no te tutaki atu i te au pairere tiata (charter) ia. Kua apai katoa atu te Peremia i tona manako ki runga i te akaapaapa atu anga i tetai o tona au mema ketaketa o mua ana, tei akaruke atu i tona pati ketaketa, koia oki ko Dr Joseph Williams, ko William Estall, ko Eric Browne, e pera katoa oki kia Papa Raui Pokoati. Eaa ra i penei ei? Kua tae katoa atu oki te akaapa anga a te Peremia ki runga i te au uki ou tei rauka

to ratou kite no ko mai i te au university. Kua akaapa aia i teia tu maroiroi tei rauka i te au tamariki uki ou no te Kuki Airani mai. Ka akapeea to tatou basileia e tae ei ki mua me ka riro rai e na te matapo rai e arataki i te matapo? Teia tetai o te au uianga tei uiia.

Uianga: E te Peremia, ka rauka ainei i a koe i te akakite mai e, no ea mai te moni ka rauka mai no te tutaki atu anga i te teia au pairere e torn te ka apai atu i te aronga te ka vouti atu i toou pati ma te kore e tutakiia atu to ratou patete?

Pauanga na te Peremia. Kare rava atu au e akakite atu kia kotou i te ngai ka rauka mai teia moni. Tera ua, tei runga i te rangi to tatou tutaki. Kareka ra, e maata te moni a te Cook Islands Party e vai mai nei i Hawaii, New York (USA), Los Angeles (USA). Penei paa, na teia au moni e tutaki i teia au pairere. E maata katoa toku au taeake moni e noo nei i vao mai i te Kuki Airani.

Uianga: Eaa i riro ei te angaanga poritiki (politic) i te Kuki Airani e ei kimi moni ua

na te aronga tei o atu ratou ki roto i te angaanga poritiki? Pauanga na te Peremia: Ka ruru koe i taau ua, naau rai e kokoti. Ko te puapinga te ka rauka mai no roto mai i taku tauta anga i roto i to tatou basileia mekameka, te akaoki au i te reira ei puapinga noku e no te iti tangata. Uianga: Eaa koe i mataku ei ia Muldoon? No te mea i te au tuatau ravarai me aere mai koe ki Niu Tireni nei, e aere ana koe i te aravei ia Talboy kare ia Muldoon.

Pauanga na te Peremia: Eaa au ka mataku atu ei ia raua, eaa na raua e angai mai ana iaku kite kai. Ko te tumu ra i rekakore mai ei a Muldoon iaku no te mea naku aia e ta ana i te tuatau i akamata ei aia i te angaanga poritiki i Brown’s Bay, i te North Shore i Akarana. (Inara, kare te Peremia i maara e na Muldoon e mou nei i te tava i te au tangata katoatoa i Niu Tireni nei, i na tetai reo mai ei. Ko Muldoon oki te Peremia ngateitei o Niu Tireni nei.) Kua oti te uipaanga mate au ua. Kua rauka mai rai mei i te iva ngauru tuma tei tae mai ki teia uipaanga.