Lagomatai he Fakatufono ma e Tau Tagata Hokotaki
Ka manako a koe ke he loea mo gutu haau i loto he fakafiliaga ka e nakai maeke ia koe ke totogi ti kua lata ke fakapuke e koe e tohi ole ke moua mai taha lagomatai maau he Faahi Fakatufono. Kia taute mafiti e fekau nei ka mole atu he moua e koe e tohi hopo ke tu ki mua he fakafiliaga. Kaeke kua moua e
lagomatai ne ole atu a koe ki ai, to fifili he Fakafiliaga e loea.mo gutu haau. Heigoa haau ka totogi? Ko e mena famahani ke nakai totogi, ka e pete ia na famahani foki ke pehe e iki fakafili ke fai mena tose a koe ke totogi ke he fakafiliaga. Ha tangata he tau tangata kia ka ole? E, kua ataina ha tagata he tau tagata ke ole ke he Fakatufono he Faahi Fakafiliaga, ka e famahani ko lautolu ni kua nakai maeke ke totogi e loea ka foaki atu ki ai e lagomatai. Ko e hiegoa e tau mena he iki fakafili ke kikite ki ai ha ko e ole haau? To kikite atu a ia ke he-totogi haau, tau mena ne fa e fakamole ki ai e totogi haau, mo e falu a mena foki. Ka bti haana kitekite atu ke he tau mena nei ti maeke agataha ia ia ke fifili poke talia e ole haau poke nakai. Kaeke ke fifili e iki fakafili ke nakai talia e ole haau ti nakai maeke a koe ke liu ke ole atu ato kehe ni kaeke kua to hifo e totogi haau.
Kaeke ke talia he iki fakafili ke foaki atu ki a koe e lagomatai mai he Faahi Fakatufono, to moua e koe e tohi kua tala atu ki a koe e mena ke fano a koe ke moua ai e loea kua kotofa he fakafiliaga mo gutu
haau. Ka moua e koe e tohi ia ti mafiti a koe ke fano ke kitia e loea.
Moua mai i fe e tohi ole ke fakapuke? Fina atu a koe ke he ofisa he Fale Fakafili (Magistrate Court). Kua ha ha i ai e Fakamau Hopo (Registrar) he ofisa ke tali e tau huhu haau ke he falu a mena kua nakai maama. Kaeke foki kua nofo a koe
he fale-pouli poke fale leoleo, maeke agaia ni a koe ke ole ke moua e lagomatai nei.
Kua aoga nakai e lagomatai moua noa nei? Tatai ni e mitaki tuga ni mo ia e loea totogi. Ka ko e lagomatai he loea ki a koe, ko e lagomatai foaki noa ha koe e mena totogi he Fakatufono a ia.
Permanent link to this item
https://paperspast.natlib.govt.nz/newspapers/MANAK19771110.2.20.2
Bibliographic details
Mana (Auckland), Volume 1, Issue 10, 10 November 1977, Page 6
Word Count
444Lagomatai he Fakatufono ma e Tau Tagata Hokotaki Mana (Auckland), Volume 1, Issue 10, 10 November 1977, Page 6
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in