Tagata Fakamooli Tala he Fakafiliaga

Mana (Auckland), Volume 1, Issue 10, 10 November 1977, Page 6

Tagata Fakamooli Tala he Fakafiliaga

Tokologa a tautolu ne fa mahani _ke hopoase mo e maimaina kaeke kuajnoua e tohi hokotaki ke tutu ki mua he fakafiliaga mo tagata fakamooli tala. Ko e mena kua ai lata ke pihia. Ko e mata gahua ke taute he tagata fakamooli tala ko e mena nakai uka.

Ko e heigoa e mata gahua ke taute he tagata fakamooli tala? Ko e ha fakafiliaga ka fano a koe ki ai to nakai kehe e mata gahua kua lago ia koe ke taute. To haha i ai e tau_ huhu ke tali e koe ka huhu atu he tau loea ti pihia foki mo e falu he tau tagata fakamooli ke lagomatai aki e iki fakafili i loto he fakafiliaga tokolalo (magistrate court) poke fakafiliaga tokoluga (supreme court) pihia foki mo e mata-kau fifili fakahala (jury) ke kumikumi e kakano mooli he menane tupu, ko e tupu mai fefe, tupu i ne fe, mo e tupu he ha. Ko e oti la e tau tala fakamooli he tuku atu ke he iki fakafili to maeke agataha ia ia ke fifili poke heigoa kua lata ke taute.

Ko e mata gahua nei ne fakafita atu a koe ki ai ko e puhala mitaki lahi ne taute he motu nei ke kumikumi fakahokulo e mena ne tupu to maeke ke fifili poke heigoa e mena kua lata tonu ke taute. Ko e faga puhala huhu he falu loea to liga ai fiafia a koe ki ai. To foou mo e kehe ni ki a koe e puhaia ne uta aki e fakafiliaga. To liga pehe foki a koe, ko e tau puhala ne uta aki e fakafiliaga ko e tau puhala mai i tuai. Ko e tau faga manatu pihia haau na tatai ni mo e tau talahauaga he falu loea. Na fakatuai mo e uka lahi ke fakafoou e puhala ne uta aki e fakafiliaga ha ko e mena to lauia e tokologa he tau tagata mo e ha lautolu a tau fifiliaga kaeke kua haha i ai ha fakafoouaga. Ko e puhala mogonei ne uta aki e fakafiliaga ko e mena taute mai i tuai ke he teau he tau tau kua mole. Ko e heigoa ke tui? Kaeke ko koe, ko e tagata taane, kua lata ke tui e fihui loa, peleue mo e fisiua. Kaeke ko koe, ko e fifine, kua lata ke tui taha tapulu kua gali mitaki mo e famahani ke tui ke he tau fakapotopotoaga. Aua neke tui e tau tapulu tui pa. Mitaki ke tui e tau tapulu ne famahani mo e aga ki ai e tau tagata_tokologa. Ka tui e tau hafifi lima haau, kia manatu ke aaki he mogo ka toto e koe e Tohi Tapu ke omonuo ki ai. Kaeke kua manako a koe ke moua foki taha fakatonuaga ke he

tau mena-tui kua lata ke tui, kia huhu atu ke he loea poke leoleo ta hokotaki. Ko hai ni ia laua na ne ole a koe ke eke mo tagata fakamooli tala. I loto he fale fakafili. Na famahani e tau tagata fakamooli tala ke leo mo e fakatali i tua he poko fakafili — ko e nonofo he avaloa ne hu atu ke he poko fakafili poke nonofo i loto he taha poko fakatali taute pauaki. Ka hoko ke he magaaho ke talahau haau a tala, to hea ai he loea poke leoleo ta hokotaki poke taha mai ni he tau tagata ofisa i loto he fakafiliaga e higoa haau ke fina atu a koe ke tu kia mua he fakafiliaga. To fakakite atu e lautolu e mena ke tu ai a koe. To fakaoti atu he MANA ka hau e tau fakamaamaaga ne toe hagaao ke he puha ke tu ai e tagata fakamooli tala, tala ke fakamooli aki e mena ne tupu, mo e hatakiaga maau he mogo ka huhu atu e loea he taha faoa ki a koe.