Fakatolonga ’oe Sivilaise

Mana (Auckland), Volume 1, Issue 6, 15 September 1977, Page 3

Fakatolonga ’oe Sivilaise

Fa'u 'e 'Okusitino Mahina.

Koe ma'u 'oe tokolahi koe sivilaise 'oku ua pe ka 'oku 'i ai 'ae tui 'oku fokotu'u mai 'e he mataotao 'i Polinisia he Sivilaise faka-Polinisia 'oku 'ikai keua pe 'ae tefito'i sivilaise. 'A ia 'oku tupu 'eni mei he talafili moe fekumi ki he ngaahi tupu'anaga mo honau makatu'unga. '1 he'ene pehe 'oku hu mai leva 'a Polinisia 'Osenia ke hoko koe taha 'oe ngaahi tefito'i sivilaise lalahi 'e fa 'i mamani he 'aho no. Tupu mei he makatu'unga fefeka mo ma'uhinga ma'olunga 'ae sivilaise ni kuo pau ke na alea'i moe sivilaise faka- 'Esia 'ae ngaahi maka tuliki 'oe fa'unga fakaSivilaise 'b mamani ki he 'kaha'u. Kuo hoko 'a Nu'u Sila ni koe fetaulaki'anga 'oe ngaahi matakali, pea 'e hu mai leva ke mahu'inga ange 'ae silvilaise 'i he'etau ngaahi fotu mo feha'aki fakafon.ua. Ka 'e

hoko foki 'eni ke ne fanau'i ha ngaahi palopalema 'o hange ko ia 'oku hoko ai 'ae fetaulaki 'oe 'aho ni. Koe fo'i tefito'i tupu'anga ko 'eni koe vamama'o faka-Sosiale 'ae ngaahi matakali. 'I he'ene pehe 'oku totonu ke fa'utaha e kakai 'oe fonua faka-katoa pea te tau toki 'amanaki leva ki he ma'uma'uluta moe melino 'i he kaha'u. Ka 'e ta'e malava ke tau a'usia 'ae kaveinga laulotaha ni 'o ka 'ikai tomu'a solova 'ae ngaahi 'a vahevahe fakaPolitikale, faka-Sosiale, faka'Ekonomika, mo fakaMatakali mo faka Fonua kotoa pe. Ne lave foki ki he me'a ni 'ae kau mataloloa 'oe kuonga ki mu'a mei he tafa'aki 'oe 'ulungaanga totonu 'ae tangata, ka kuo fakatoupikoi e tangata ke fai ki ai. Mahalo ko 'ene holi ke fakatolonga 'ae 'imisi 'oe ta'eta'e'uhinga 'ae 'oku tau lolotonga ma'u. 'Oku 'i ai 'ae tui 'oku uesia 'e he fakalakalaka 'ae refito'i anga 'oe tangata ka kQe tui 'e taha 'oku kehe ia mei heni. Ka 'i he nofo 'a onopooni neongo 'oku faingofua ke liliu 'aho to tu'unga moe to'onga mo'ui ka 'e faingata'a ange 'o kapau 'oku 'ikai fakanaunau'i ki ta ki he fakalakalaka fakaTekinolosia ke ne uesia ho ta fatongia moe refito'i anga moe mata'i koloa koe 'ulungaanga faka*fonua. Tupu mei he ma'olunga mo fefeka e uho 'e tau sivilaise 'oku totonu ke ta faka'ali'ali mo tu’uaki atu ki mamani 'ae ngaahi 'ulungaanga 'oku ma'uhinga ke faka*tolonga. Ka ko ha taimi pehe ni, 'e matu'aki fiema'u ai ke alea'i 'ae palopalema 'o hono haofaki e sivilaise 'a Polinisia. kuo pau ke tau fakahoko 'ae ngaahi fakakaukau 'oku totonu ke fai 'i he fakatolonga 'oe Sivilaise ki he lelei 'oe kaha'u 'o mamani.