“Solo”
Se mea e lelei o se mafutaga ma matua ae mafana, Ao lenei ua nonofo valavala. Le mafutaga ma matua pale i Samoa, Ao le fanau ua o'o mai iinei ua tau leiloa. Amuia se tasi o sa'oloto i aso uma, A'o lo'u nei loto mafatia i nai o'u matua e le uma. Ina ua o'o i le taimi o la matou faamavaega, O loimata ua maligi faavai e le'i mafai ona te'a. Ma si a la'ua upu ia te au, Fai lelei le mea na e alu atu ai, ia teu i lou fatu. Tuu ese mea uma oi lou mafaufau, Taumafai lou faamoemoe ia taulau. O'o mai nei i Niu Sila, Le manogi se mea ai, poo se money e u'u i le lima. Maimau o alofa pe ana tutusa, O alofa o matua ele uma lea ia ita. Ua tuu mai ita i nei tagata, Ua pei ni faiga oni manu fafaga. Pei e sili ia ita le oti pe a le alu i le aoga, Ae le taulia ai le fai mai e nofo i tamaiti ae a sei alu ile poka. Ai lava faapea o le nanu a papalagi, Ona soona fai ai lea o le matalasi o le lalolagi. Talofa i nai matua o lo'o faamuli mai, O 100 tatalo i ao ma po ona o lo'u vaivai. Tailo lava i sou mafaufau ao lou lava lagona, E sili lava le Atua ma lona alofa. Manaina le vaaiga i fiafiaga o le olaga, Ae le galo lava le alofa o matua i le la tama. Tusa iai la'ua pe pologa ia te a'u, Pau lava le mea ia manuia lo'u olaga ma lou fatu. Peita'i nisi oi tatou o lo'o feagai ai ma aoaoga i lenei atunuu, Ua tauau ina tuua le aoga ae faasaga e fusu ma le isumu. O oe lava o le a leaga ai lou olaga,
Ae tailo i le alofa o nai matua i lou faafeagai ai ma mala. la na osi au lapataiga faauso, Ae pule lava oe ma lou loto. O au lenei ou te nofo aoga ai nei i le Kolisi 'a Mana i Porirua, A e fiailoa faaoso mai lau manu vae lua. Atonu ete silafia si nei tagata is e aso, Na o lou nofo lava ma tatalo. la manuia lava le feagai ai oi tatou le fanau mo aoaoga, Tau ina ia alofagia i tatou e le tama oi le lagi, ona ole tatou feagai ai ma suesuega tau le aoga.
O A'U LENEI O KAPENETA MULITALO MAI PORIRUA EAST. MA E MOMOLI ATU LA'U FAAMALO FAAFETAI I LO OUTOU TAUMAFAI INA IA MAUA El TATOU LE MANUMALO AE LE O LE FALOLO. TAU INA IA FAATASI MAI LE TAMA IA TE I TATOU, MA LO TATOU AUMAU AI I LENEI ATUNUU FAIGATA. IEOVA I LO TATOU VA. KAPENETA. MULITALO. TUSIA E MANA COLLEGE PORIRUA WELLINGTON.
Permanent link to this item
https://paperspast.natlib.govt.nz/newspapers/MANAK19770818.2.13.7
Bibliographic details
Mana (Auckland), Volume 1, Issue 4, 18 August 1977, Page 3
Word Count
484“Solo” Mana (Auckland), Volume 1, Issue 4, 18 August 1977, Page 3
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in