NO HERETAUNGA.
Kua tae mai te rongo o Tauhoa, e toru te kau maori kua tae mai ki reira, mahi kapia ai, e ki ana nga pakeha kanui to ratou kaha kite mahi aka nui ano hoki to ratou wini. Kua kite matou kite Nupepa pakeha, kua pai te mate ote Kaumatua nei o Ta Hori Kerei. a i runga ite tono a ona kai pooti. kua whakaae ano aia kite tu mo Panera, Akarana, i tenei pooti tanga e haere mai, nei, I tenei nohoanga ote Paremuta, kaore ia i t°e mai, ite nui o tona mate. . Kua karangatia kia tu he hui a nga wahine ki Nepia. he wahine katoa nga kai korero, ko te putake ote korero kote lure i paahi tia nei kia Pooti nga wahine hei koneipea kiteaai te pai oteTure kua paahitia nei. Kua timata noa te haina o nga wahine kite Roro pooti o Akarana, kotahi mano kua haina, engari e mahara ana, tera te nui nga o nga wahine o reira e haina ite Roro. I Nu Paremata e toru tonu nga wahine kua haina ite Roro, kaore hoki te nuinga e whakaae ana kite Pire. I tu he hui a nga wahine ki Tanitini aipounamu, ka nui tt whakapai o nga wahine o reira ki rgn mema, me nga tangata i mahi ki paahi te Ture pooti mo ratou, kua timata ta ratou Haina ite Roro, Ite Hui ano a te tTniana wahine i reira. he nui to ratou whakatakariri ki tenei P.re. Ite Taite nei te rua te kau matahi o o nga ra o Hepetema, ka tahuri te kooti 0 Kuri papanga ki roto ite Awa o Tutaekuri e wha tangata i runga ite kooti, ko tahi he maori ko Kingi Topia, e ki ana te taraewa mehemea i kore a kiingi kua mate tetahi wahine. Kua timata nga Pakeha o Hehitingi nei kite haina i tetahi pukapuka, tono ia Te Karimana kia tu hei mema mo Haaki Pei. He wiki ngahau tenei mo Haaki Pei ina hoki ko nga purei Hoiho i te rua me te toru o nga ra o Oketopa, ko te purei Toi ite wha, ko te whakakite kite ite rima mete ono onga ra. Kotahi te Maori ko Poharama te Ingoa 1 taka i runga Hoiho ki Te Aute hemo tonu atu, i wl ati te kaki. Kaore ano kia tuturu noa te mutunga ote Paremata. ko etahi e mahara ana kia tae ki nga ra tuatahi o Oketopa ka mutu ko etahi e mea ana kia tae rano ki waenganui ote marama, engari kua hoki hoki etahi o nga mema kite whakahaere io ratou pooti. Kotahi tetahi wahine i ngaro i Ingarani, ka kimihia e nga piri himana kit >a ana i raro ote Timara ote whare, kua mau te Tane kite herehere, engari kaore ano i whakawakia.
Ko tetahi Pirihimana ko Haraiora Kuku te ingoa, kua tarewatia i Ingarani, mote kohurutanga i tetahi wahine, ko te take i kohurutia ai taua wahine he pirangi note wahine ki aia. ka whai haere i aia, i tetahi po ka haere atu taua wahine haere ana raua ka tae ki tetahi puia rakau ka kohurutia, heoi tarewatia ana. Ite Paamu o tetahi tangata i Aknruna ka whanau tetahi o ana kau, ko nga kuao he hawhe Hoiho, he hawhe kau, ko nga wahi i rite kite kau ko nga Hono roe nga waewae, ko era wahi atu i rite katoa kite hoiho, Pera ano hoki tetahi hipi ko te kuao i whanau mai e torn waha, e wha kanohi, engari kua mate. Kua tae mai te Reta a Hoani Maka, he mea mai kia rere atu te manu kia ia. Kua 'tae mai te Reta a Haeata Pehimana, o te Reinga, he mea mai kia rere atu te manu kia in, he Patai mai hoki mo te tikanga o te Panui, ina tukna ki te Pepa. Ko te tikanga mo nga Panui e utua ana mo te rua herengi ite Inihi kotahi, mehemea e wha inihi o te pepa e kapi i taua Panui. E waru herengi te utu. ia putanga, kei te tangata te whakaro mehemea kia kotahi putanga o te Panui. e waru herengi te utu. — Nate Etita. Kua tae mai te Reta a Hori Tohungia o Anaura he tuku mai i te tahi wahi oranga mo te Pepa. Kua tae mai te Reta a Hakaria Tangaika me tetahi wahi o ranga mo te manu nei. No te ata ote Taite te 5 o nga ra o te marama nei ka pupuhi te tahi pakeha ia ia, i konei ko te targata o te Toa Rino i tua mai o te whare kooti i Hehitingi. kaore i mohio tia te take i pupuhi ai ia ia.
Permanent link to this item
https://paperspast.natlib.govt.nz/newspapers/HUIA18931014.2.4
Bibliographic details
Huia Tangata Kotahi, Issue 21, 14 October 1893, Page 2
Word Count
793NO HERETAUNGA. Huia Tangata Kotahi, Issue 21, 14 October 1893, Page 2
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in