He Aha Te Maoritanga i enei ra?

Tu Tangata, Issue 8, 1 October 1982, Page 25

He Aha Te Maoritanga i enei ra?

AAHAKOA ITI-HE POUNAMU

HUI HUI TATAU KA TU!

WEHENEHE KA HINGA

Kei konei te tikanga mo nga Maori, engari kaore etahi o nga Maori e pirangi kia u, kia mau ki to ratau Maoritanga.

He rite ano ki era tangata e noho ra i runga i te taiapa. Kaore enei tangata e mohio ana, me whai ratau i tehea taha. Enei tangata he Maori nga ahua, engari kua whai ke i te pakehatanga, ara, kaore e mohio kite korero Maori ki nga tikanga Maori ranei.

He pai te whai i te pakehatanga mo te oranga o te tinana. Tino pai tenei mo nga taitamariki. Ma te ako i te matauranga pakeha ka whiwhi mahi totika enei taitamariki, na te mea kei roto tatau i te ao tino hurihuri, i enei ra.

Te tumanako o nga matua Maori mo a ratau tamariki kia pahi i nga whakamatautau Kura Tiwhikete mete whakamatautau uru kite Kura Wananga.

Te Maoritanga i enei ra he pupuri ki nga tikanga a o tatau marae. He ako hoki i nga kawa o tena marae, o tena marae, o tena iwi, o tena iwi.

Kei te mohio etahi o nga taitamariki ki nga mahi a o ratau tipuna. Ko enei nga mahi whai tikanga mo to matau Maoritanga.

Mo nga taitamariki tane, kei te whai ratau i te matauranga mahi whakairo. He maha nga whakairo kei runga i nga wharenui o o tatau marae. He pai kia puritia tenei mahi whakamiharo o to tatau Maoritanga.

Mo nga wahine, kei te akona nga mahi raranga kete, raranga whariki, nga mahi tukutuku mete whatu kakahu hoki. Ko Emily Shuster tetahi o nga tohunga mo enei mahi.

Ka huri inaenaei hi a tatau mahi

ngahau ara, ki nga waiata-a-ringa, nga haka, nga poi, nga waiata me nga whaikorero. Kei roto i a tatau waiata nga kupu miharo. Enei waiata he whakamahara ki nga akonga a nga tupuna. He aki hoki ki a tatau te taitamariki kia mau, ki enei mahi katoa, a ratau kua ngaro i tenei ra.

Ko enei mea katoa te Maoritanga i enei ra, na reira, kia u! Kia mau! ki to tatau Maoritanga.

Elizabeth Foe

Rotorua Girls High School

Form 6