TE PIPIWHARAUROA

Toa Takitini, Issue 111, 1 December 1930, Page 2199

TE PIPIWHARAUROA

Ko te Pipiwharauroa te maim tangi pai o te tau. He tangi whakaaroha. Kotahi ona putanga mai i te tau. He whakaatu taana kite tangata kua aroaro mahana te tau. Whakatika mahia te kai. Ko te whakautu a te tangata kei roto ite whakatopakumara. E penei ana, tangi te wharauroa waiho kia tangi ana; tangi te kawakaweaa, waiho kia tangi ana; e tatari atu ana kia aroaro mahana. Tenei ano tetahi Pipiwharauroa tangi pai, tangi whakaaroha, kei roto kei te tau a te Hahi e kiia nei ko Merekirihimete, ara, te Ra Whanautanga o to tatou Kai Whakaora o Ihu Karaiti. Kei te 25 onga ra oia tau oia tau tona wa tangi. Ko tana tangi tenei: ‘"No naianei hoki i whanau ai he Kai Whakaora mo koutou i roto i te pa o Rawiri, ara a te Karaiti te Arikh” Rk 2, 11. Ko te reo tangi pai tenei. Ko tona reo whakaaaroha hoki ite mutunga ote tau ate Hahi. I naianei kua tata mai te wa e tangi ai taua reo, e harakoa ai te ao. Tenei hoki tetahi Pipiwharauaroa kua puta i roto i te tau Maori, i te tau o te ao hou’ o te Maori. Kei te tangi hoki i taana tangi aroha i taana tangi whakahau ki ona iwi Maori, e penei ana Te ao Maori 1 © nga Motu nei, kaua e maumauria te whenua, e noho ki runga rarau e mahi; maku koe e awhina ki nga awhina e tika ana. Ko tenei wharauro ko Ta Apirana Ngata te Minita Maori. He tangi aroha tenei he tangi kaha ki roto i nga taringa o te ao Maori hou o naianei. Kaore te ao Maori o nga ra ka huri i rongo i tenei tu tangi aroha i o ratou nei ra. Me pehea ra he whakautu ma tatou mo enei tangi e toru? Me pera ano ranei i tera e man i runga ake nei: E tangi wharauroa, waiho kia tangi ana, tangi kawekaweaa, waiho kia tangi ana? Pena ko a tatou whakautu enei, tena tatou e taupokina e nga tai a Ruatapu. Engari kau pea enei na—wharauroa tangi pai ote tau ate Hahi: “Ko tau tangi taku e aroha atu nei, a, maku koe e whakanui ki runga ake i aku me a e tino hari ai. Maku koe e whakateitei ki runga ake i aku mea e kite nei. Maku koe e tautoko ki nga mahi a oku ringa.” Mo te wharauroa tangi pai o te ‘ao hou’ o te tau Maori: “Ka rangatia atu kei tata ana ia.” He oranga ngakau ki au tau ture aka whakamana e ahau au whakahaunga. Ahakoa maha reka atu i te honi, i te maturuturutanga iho o nga honi koma.” Mo te tangi ate wharauroa manu: Kua puta ra te aroaro mahana. Kia kaha tatou ki t© mahi ot© kai i roto i enei ra rereke o te ao whanui tonu. W. H. Kaipo, Te Koa, 22/11/30.