KIA ORA TAITE TE TOMO

Toa Takitini, Issue 111, 1 December 1930, Page 2221

KIA ORA TAITE TE TOMO

Kia nui nga manaakitanga kia koe mou i eke ki runga i tena puke teitei i waihotia ake nei e to tatou hoa, i runga i tana kupu ohaki kia riro i a koe taua turanga. He tika pea kia kaua he korero atu mo te pakanga a Te Taihauauru mo taua tuunga, otira kaore hoki e taea te kati mai o nga whakaaro tangata kia puta atu ki era waahi tohaina ai.

. ; :No nga korero i puta i roto i nga pepa pakeha me nga rongo korero o Manukorihi, nui ke te whakaaro mete ahu o nga korero kia Kooti ma koira i puta taua korero 4 Ki A •WAI TE KOHA’ i puta na i Te Toa Takitini Oketopa Ist, 1930. No Oketopa Bth ko te pooti mema. No nga korero o mua atu he kohiri na te ngakau pooti, na reira hoki era tu korero ka puta. E toru nga wahanga i taua wa, ko Kooti, ko Forbes, ko te Takawaenga. Otira ko te wahanga i taka atu ai ahau nei ko te Ropu Taitamariki (Young Maori Party), he mea timata mai taua kotahitanga i Te Aute Kareti, i kiia i taua-wa ko Te Aute Kareti Past and Present Student Association, ka kiia i nga tau e tu ana kia whakamatauria te tuunga mema mo Te Tairawhiti. Koina te pakanga nui a te hunga taitamariki 0 Te Tairawhiti i kiia ra i aua ra ko te hunga mohiti kite hunga kore mohiti. Ma tenei pea ka marama ai koe ki tenei kaupapa ehara inaianei. E korerotia ana Ite ata ite ra-poupou tae noa kite ra-to. Ahakoa pehea nga pakanga, tae mai ki tenei ra koira tonu aku korero, me aku tohutohu, otira kei te marama tonu koe. No muri mai ka tohaina ki te motu ka kiia ko “Te Ropu Taitamariki oTe Iwi Maori” kia uru mai ai a katoa. Kaore rawa he whakaaro taunu mo to taua hoa mo Maui, ahakoa i tu apitihana, i te wa ka pera, otira i te wa ka puta nga whakaatu i te ohaki a Maui ko koe hei mau i tona tuunga, katahi ano ahau ka miharo. No muri mai i te pooti ka tae mai nga rongo, na nga poai roia, takuta, M.A., LL.B., me era atu reta rarahi na te hunga kura koe i tautoko, katahi ahau ka tino whakamiharo rawa ki nga puawai o te rau tau hou. Otira kua pu te ruha. 0 tatou kaumatua kua ngaro katoa. Kua marama te hao a te Ranga-tahi. Kua kaumatua tatou katoa. Na konei pea tatou ka timata nei kite takatakahi i a ‘matou’ ture i whakatakoto ai i nga ra pai kua huri ki muri. Tena pea kua kitea e nga ‘poai’ na nga makenu o nga tikanga tohutohu o nga ,kura me nga matauranga pera, i nara i mama ai te rukenga ake i aua ahuatanga, peke ana kite tautoko i a koe, i te mohitikore, e taunutia ra e ratou i nga ra ka huri ki muri. Otira kua whawhaitia te whawhai pai; kua omaina te oma whakataetae, a kua riro i a koe te wikitoria, na reira me nui rawatu nga mihi kia koe, ahakoa on tino hoariri i .roto i taua pakanga, me maunu te potae kia Te Tomo. 1. Mo te marangai-areare e takoto ake nei mo Te Memo me nga korero maatua, waiho ake ena, kei te nui rawa nga putake nunui hei mauranga mau o te motu, he poto rawa hoki te wa mou ki reira, kotahi ano Paremata, ka pooti ano koutou, pea.

Otira ahakoa enei kore mohititanga, ko koe tonu tetahi o nga tino maori e mohio ana, e haere ana hoki i roto i nga hui nga tangata e tika ana kia kiia koe he Maori M.A., LL.B., LL.T. mo nga korero me nga waiata maori. Kei te maunu atu ra o matou potae kia koe e Te Tomo — Haere! Kia manawanui, kia toa. E ki ana ko Huikai “Paku i taku tinana! Rangiahua i taku puku 'Te pooti mema o Te Taihauauru. Taite Te Tomo 3970 Kami Tokouru Ratana . . . . 3150 Pei Te Hurinui Jones 902 Nga pooti kihai i whakaaetia . 22 Nga Etita