TE TEREWHONO IRIRANGI.

Toa Takitini, Issue 111, 1 December 1930, Page 2208

TE TEREWHONO IRIRANGI.

Kola tenei ko tetahi o nga mea tino whakamiharo o te Wa. Korero noa ana tetahi ki tetahi kaore he waea, kaore he aha. Heoi ano ko te waahi hei korerotanga iho, ka riro i te kaha o te “hiko” ma ana e pupuri e man atu ki tera pito o te ao hei kapo mai ma te mea e hiahia ana.

Rongona atu ana te korero a te tangata i Ingarangi, i whea atu o te ao. No tetahi ra ake nei ka korero mai Te Pirimia o Niu Tireni (Forbes), kei Ingarangi, kia Ta A. T. Ngata, te Ato-ona-Tionara Te Mana Nui Whakahaere o Nui Tireni nei, kua whakaturia nei hoki koia Te Pirimia-Awhina inaianei, Te Minita hoki mo Nga Moni o Te Koroni. Ka rua ai enei mea he tino whakamiharo ara te Terewhono Iriranga mete ekenga o enei turanga teitei i a Ngata i roto i o tatou nei ra, he mea nui rawa, na reira te mihi o Te Iwi Maori ma Te Toa e luku atu kia Ta A. T. Ngata te Maori tuatahi i korero ki Ingarangi me Ahitereria. Kaore i whaia atu enei turanga, engari i makere noa mai. Otira na te tau o te tinana, i te kuhunga i roto i nga parepare o tena wahanga o nga whare wananga, whare maire, whare kura mete urutomo i roto i nga tuatea o te ao te po, ka taka noa mai enei ahuatanga ki tenei o tatou, hei whakamiharo, hei whakamoemiti ma tatou. Kia nui nga manaakitanga, kia roa ou ra, hei pou arataki mo Te Aitanga-a-Tiki e kori ake nei, kapi tonu nga marae, me nga kura.