TE MEMA MO TE TAIHAUAURU.

Toa Takitini, Issue 108, 1 September 1930, Page 2144

TE MEMA MO TE TAIHAUAURU.

Kua nui rawa te paaha haere i te whakatu mema mo te laihauauru, kua puare nei i te matenga o Ta Maui. Te korero tuatahi mo te tononga i te matamua a Maui kia tu hei mema e ai ki uga korero ko tana kupu: ‘‘Mehemea e whakaaro nui ana koutou ki nga mahi c taku matua, me whakaae mai koutou maaku e noho taua tuuru atu inaianei tae noa kite mutunga mai o tenei mana memanga. Engari kaua hei whakatetetia. Kia pau enei ra, katahi ka tuku atu kia koutou! He whakaaro marama enei no tenei tamaiti. No te rawhutupooro a nga Maori kia Ingarangi, ko ta Te Taite Tomo whakaaro i mea ai “Kua whakaingoatia ahau e Te Kooti, i runga ano i nga kupu ohaki ake a Maui ko ahau hei mema i muri i a ia.” I puta hoki i a Kingi Topia he kupu;— “Kei te whakaaro hoki te iwi morehu kite whakaara mema, engari kei te whanga kia watea te wa.” Kaati i temea kua watea nei, na kua puta ake nga whakaaro whakatu mema a tena ropu a tena ropu. Kua whakaingoa a Te Amokeiha Mete i a ia, a Henare Maiho kua pera. Ano nei rite katoa o rat on whakaaro kia riro ratou ma te morehu e awhina. Ina ra nga rongo kua tae katoa ratou kite pa tono ai kia pootitia. Kua puta ano hoki nga rongo kei te whakaaratia hoki a P. Jones mo te taha kawangatanga. He turanga nui rawa tenei nga mahi me nga tikanga hei tiakitanga, nga whenua raupatu, te mana kai-tiaki o Te Taihauauru, nga whakaaro nunui mo Te Tiriti o Waitangi me nga mana i raro i taua tiriti, he mea lino tika kia kaha te whawha mai aTe Taihauauru kite whakatu i tetahi tangata marama, pakari, kia kaha atu i a Maui, hei hapai i enei tikanga nunui, kua kalia rawa nei te uhi o te mana mete ture pakeha ki runga, te ringa mete whakaaro pakeha hoki kei runga e whaka ranu haere ana kite hua pai kite hua kino, kite mea marama, kite mea pouri. Na reira i mahara ai kia whakaatu i enei whakaarotanga ake a te ngakau koingo noatu, kia paarea ake te whakaaro kite whanaungatanga, ki te hoatakanga tahi, engari kia tirohia atu i roto i nga kupu poropiti a Te Whiti a Tohu, a Rikirangi, a Te Wherowhero, mehemea kua marama te puawaitanga ake o era whakaaturanga, tu-tinana ana i roto i enei ra, whakatutukitia a ratou kupu, o ratou matakite, ko koutou ano enei ko nga mokopuna tuatahi ka hupeke nei te waewae, he whakaaro kite ohaaki a o koutou tupuna no ratou nei le torona i lata rawatu ki to te Runga Rawa.

Rapua, ka kitea. Patukia, ka huakina. Inoia ka homai. Haere e aku Toa Takitini.. Kia kaha.. Kia maia.. Kia Toa.. Kotahi ano ia ma ana te utu whakahonore.