NGA TIATI KOOTI WHENUA MAORI

Toa Takitini, Issue 105, 1 June 1930, Page 2076

NGA TIATI KOOTI WHENUA MAORI

I te Hui i Waiomatatini i te Maehe ka huri: i mea a Ta Apirana Ngata he wa tenei e tika ana kia whakamutua atn nga Tiati Kooti Whenua Maori. Kua raungaiti nga mahi. Kna pan nga whenua te hoko; kua kore he whenua hei kootitanga. Heoi ano te mahi nui a nga Tiati i naianei he riiwhi tupapaku, he whakamana riihi, he utu i nga moni Poari? Ko te hiahia o Ta Apirana kia waiho ko te Minita Maori tonu hei Tiati mo nga morehu toenga whenua o te iwi Maori. He kawenga roa te waiho tonu i te Kooti Whenua Maori, He ringa poto ke te whakariterite i waenganui i te Minita Maori mete hunga nona te whenua. I puaki iaia te Keehi o Tarawera; 12 tau, kaore ano kia tau. Me ki ake pea i pokaikaha a Ta Apirana kia awe te eke ote Maori kite ahu-whenua i runga i ona ake morehu whenua; e mahi nei hoki ia i naianei, ki te whakanohonoho i nga taitamariki o te iwi Maori. I te timatanga o Mei nei ka pa he paroro kite hanga Tiati nei. I mahara etahi ko tana wa whakahoro nei tenei. Ko Tiati Kiri whet a i tutea ki te hararei ma ana ki Ingarangi mo te 8 mararaa; ko te Ponra o Wanganui hei tango 1 tona turanga. Ko Tiati Herora Kaa i tukua ki Rarotonga; a, ko Tiati Atihana o Rarotonga ki Nga-Puhi. I tenei whakawhitiwhiti, me ki ake whakahoro hoki, ka whanau mai he Tiati Maori ko Tai Porutu (Mitchell) Ina ake nei i hoki mai ai a te Raumoa ma kite kawe atu i a Tai Porutu ki tana mahi hou ki Rarotonga. Ka noho ko ia hei Teputi mo Herora Kaa ki nga Moutere. Kia ora Tai Porutu, kua eke koe ki tena taumata