HE MIHI

Toa Takitini, Issue 102, 1 March 1930, Page 1990

HE MIHI

Kite Toa, kia nui nga ora ki a koe. Mau e ruke atu enei kupu ki nga hau maha o te Motu nei. Ehara e te Toa he mihi kau atu ki nga uri o Pareihe me te Whatuiapiti, ki te kaha kl te pup uri i nga oha a o ratou tipuna. E te whanau ma kanui te pai o tenei rarangi whakapapa, no reira ka tautoko ake te ngakau. He mea pai tenei ma taua ma te Motu te hora i enei taonga, ara i nga mahi a o tatou tipuna. Kia penei hoki te whanui i to Pareihe raua ko te Whatuiapiti. Ko te tumanako kia tautoko te iwi nui tonu i tenei aronga mahi. Ehara i te mea he oranga mo tatou kei roto, engari ko te ahua tonu o o tatou tipuna, mete pupuri hoki te ha 0 to tatou maoritanga, kei taki oraora ana nga morehu kaumatua. He mea pai hoki kia mohio tatou ki enei tu taonga, Imu a atu ito tatou ngaronga kite kore. Ina te he ki au nei ko te mau matamata o nga taonga a o tatou tipuna i roto i nga wa o te pakehatanga. Kia nui nga ora ki nga uri o Pareihe me te Whatuiapiti mo tenei rarangi. Ka huri ake hoki nga mihi ki o tatou hoa pono, kia Ta Apirana Ngata raua ko Phopa Peneti. E hoa ma kua eke atu korua kei nga taumata ikeike o te pakeha. I te wa eke ai korua ki enei taumata, ka ngaro nga kaumatua kite kore, hei mihi whanui i a korua. Hei aha koa i a korua kei wareware kite Iwi. Ete whanau kia kaha kia tatou.

Ka mihi ake hoki kia Ratana e whakaoko nei i a Ngata mo te Tiriti o Waitangi. Engari, he aha ra ma nga mahi poropiti mo te Tiriti o Waitangi? Ina hoki he Kirihlmite tonu, he puawai; he hui tonu, he puawai; a he aha te aha. He tika i ki a Ngata, kaua e whakakoria te Tiriti, kei oho mai ka wepu nga wepu i a taua i te Maori. Kei te mohio a Ngata kite Tiriti, me ona toronga. E waru pumanawa ke tera. Ka mihi ake ki nga kai korero o te Ingoa nei Aotearoa. Ka pai ta koutou mahi. Wananga. Nawai rate Waiata nei “Tainui, Te Arawa, Matatua, Kurahaupo, Tokomaru, Aotea?” Kaore i aotearoa te waiata nei, engari aotea. Kaore hoki a Takitimu, te waka rangatira i uru kite waiata nei. Ko nga waka man kumara anake i waatatia. Kia ora mai te Motu. Watene Arara.