MAHI MIRAKA O TARANAKI

Toa Takitini, Issue 100, 1 December 1929, Page 1931

MAHI MIRAKA O TARANAKI

Kanui nga tohu kua puta, kua paaha ki teao mahi kei te haere whakamua nga iwi o Taranaki ki tenei mahi kurutete miraka. Kua tae hoki ki reira haereere ai, ahakoa i aria noa te haere kei te kite kei te rongo i ana kaha ki enei mahi mete puta pai mai hoki ote hua ote hua o enei mahi ki nga morehu o Taranaki nui tonu. Te hunga taitamariki i tupu ake i muri i o ratou tupuna ia Te Whiti me Tohu me o ratou maatua kua mene kite po kua whawha kite akoranga ate wa kia tapiki. Ahakoa nga poropitanga kei te rongorongo ratou, kei te whawha etahi, otira kanui te whakamihi mo te kitenga-a-kanohi, a tinana hoki, e kei te ata waiholia ake era poropititanga ki tona wahi tapu ano takoto moi ai, engari kei te whakahaere atu itote wa reo e karanga nei kite iwi nui tonu kia mahi. I te mea kua ngawari ake nei te kitea atu a kua marama mai nei etahi o nga huarahi hei tiki atu i te moni awhina i a koutou, a kua noho mai nei mo tatou ano Te Minita Maori ahakoa kua pula mai a Maui ki waho, katahi ka tika kia kaha mai a Taranaki kite ahiaki kia tukua atu enei awhinatanga tika hei tautoko mai i te hunga taitamariki e takatu mai a ki te mahi ahuwhe nua. Kua eke tonu mai tenei te Ran Tan Hou ki runga i te Motu na reira ka mihi ki nga tohu kaha o Taranaki. Kia kaha. Awhinatia mai hoki ta koutou pepa maori hei reo, hei mokai ma koutou. E Te Whiti’ E Tohu! E Tahupotiki, E a ratou tamarki! E a ratou mokopuna! E Te Iwi Nui tonu! Tena koutou i raro i nga Mana o Koutou Maatua me o Koutou Tupuna, maira ano! Tapiki! Whakapurua ki ta te wa e karanga nei “Haere mai ki ahau e koutou katoa e mauiui ana, e taumaha ana, maaku koutou e whakaokioki.”