A MORIKAU WHAAMA

Toa Takitini, Issue 100, 1 December 1929, Page 1931

A MORIKAU WHAAMA

Kanui te koa mo te taenga mai o te ripoata kei te kaha rawa te whaka haere penei o nga whaama ate iwi. No te wa i haere ai Te Minita Maori ki Taranaki ka peka atu Wanganui, a koia tenei tetahi o nga take nui i whakatkotoria ki tona aroaro. He nui hoki ana kupu whakakaha i te ropu taitamariki o Wanganui mo runga i te mahi i taua whenua. Ko te nui o taua poraka i te tuatahi 15,776 eka a no muri nei ka whaka hokia tetahi wahi ki nga maori. Ko tenei poraka i wehea nei hei paamu no Morikau Nama 1 no Ranana, no Ngarakauwhakarara,

I hoatu taua poraka ki Te Poari hei mahi paamu, me kore te hunga taitamariki i Wanganui e kite i rera tu mahi ka whawha atu kite mahi pera. Kaati he nui nga ahuatanga o te he o te whakahaere tanga i taua paamu i nga ra tuatilvi, katahi ka uiuitia ?e aJma a ka kitea nga wahi e ngoikore ana o te whakahaere, a i roto i enei tau tata nei ka timata te piki haere o te pai, tupono ai hoki te pikinga o te utu o te wuuru katahi ka tino pai rawa. I a Mahehe 31st 1929 ko te £32. 133. 6. 8. Kaati apiti atu ki tenei ko te moni a Te Aotea paori £ 7. 189. 6. Otira ko nga moni me nga ahuatanga o te painga ake o te whenua i runga i nga taiapa, whakapai i nga ngahere, karaihetanga, te wai, mahinga rori, nga whare e £32, 280, 12, 8. Ko nga kararehe e £l6, 496, 13, 0. (hipi kau, hoiho, koati). Nga mihini kei runga e £849. 9. 2. Ko nga hipi kei runga 10,937 i a Maehe 31st, 1929. Ko te wariu £12,824, 17. 0. Ko nga hua i puta mai i nga hipi £5, 364, 9, 10. Ko te huinga atu ki nga wuuru ka piki te hua kite £lO, 197, 3, 0. No nga kau te hua i puta mai i a Maehe 31st. 1929 £1,724. 13. 3. Kaati i tino kitea te kaha o te pikinga ake o te hua i raro i nga whakahaere hou. Ko te tumanako kia pera tonu te kaha haere ote piki o nga mahi. Kei te topea e 400 atu ano eka i tenei tau. E 5,000 eka kua watea, a kei te toe 6,907 eka hei whakapaitanga. Ko nga tangata no ratou tenei whenua e 2,059. No enei tau kua hori ake ka whakaturia to ratou komiti Maori hei whakahaere i to ratou taha, kaati nui atu hoki to ratou mataara kite whakaatu i nga mea e pouritia ana e ratou, a na to ratou kaha, ka nui nga mea kua takoto marama inaianei kaore nei i marama i mua.