PITOPITO KORERO

Toa Takitini, Issue 100, 1 December 1929, Page 1924

PITOPITO KORERO

Ko te Kawana Hou mo Niu Tireni nei ko Lord Bledisloe. Hei nga ra o Pepuere 1930 ka tae mai. He tino tohunga tana tangata mo nga ahuwhenua. Ko Honore T. M. Wilford te kai riiwhi mo Ta James Parr, hei mangai mo Nin Tireni ki Ingarangi.

Kite hakiri ake kua taea e Byrd ratou ko tona ropu te whakamutunga mai o te taha Tonga o te Ao.

Kua tukua e nga Maori o te Pei o Pureto te 6000 eka kite Kawanatanga, hei utu mo nga Reiti kei runga i o ratou whenua e £25,000.

Manuku rawa ake te Ope a te Ingarihi, tiaki i te whenua 0 te Tiamana i tangohia hei whakautu mo nga raruraru o te Whawhai Nui ka hori ka kitea e 8000 tamariki a taua hunga 1 mahue atu. Ko te ope Rawa ate Marikana te pahika, 15000 a ratou. E hia ra a nga tamariki nei?

E ki ana a McWilliam, kai korero takiwa a Kingsford-Smith: kei te pakiha noa atu nga mea rere takiwa a te Tiamana i a etahi atu iwi o te ao.

Hei te 22 o Tihema nei ka whakapangia a Rev. Rangiaho me Rev. Moana hei Piriti, ko Wanoa o Ngatiporou hei Rh kona. No te Pihopatangata o Waiapu enei.

E ki ana a G. K. Chersterton ka tino whai-rawa te tangata; ka nukuhia atu tona awangaawanga (worry)), kaore e iti iho.

E ki ana a Dean Inge: —‘‘E tumanako ana ahau kia tino tohunga to kowhiri mahi mau. Ko te mahi e tika ana mau ko te mahi e taea e koe te mahi kia pai rawa, ko te mahi e ahuareka ai koe kite mahi, ka koa, ka hari nga ra o tou oranga; no te mea, waenganui rawa ake o ra, ka takora noa to mahi kia koe; a ko tenei mea ko te takaro he whakapiki i te ora o to tinana.”

Kua tae mai te rongo kua whakaturia a Dr. Te Rangihiroa hei Komihana mo nga Cook Islands, ara Tonga, Rarotonga, Hamoa me Nuea.

Kite watea ana Te Minita Maori he mea pai tonu te haere ki Hamoa, me kore e taea te awhina atu a Hamoa e ngunguru mai nei i te nei mamae nui mo ratou e whiua mai nei e nga whakahau a nga ture a Te Komihana. Tera ano pea ma te ngakau, ma te manawa Maori e whawha atu te hohonutanga o taua raruraru.

Kua kaha rawa te mauria ake o nga korero a Ta Maui me Ngata, rereke ake i a o raua kawanatanga i whakatakoto ai, i runga i o raua whakaaro raaori ake.

Ki ta maua nei titiro iho nei kei te riterite ki nga ra i a Te Whiti raua ko Tohu, na reira i marama ai te hohoro o te whawha atu, kei mate turoro tenei iwi i te whakaaro nui kia kaua hei taka takahia te mana o ratou tupuna. Mehemea kei te he te takahi, me huri te wiira o te ture kia whakatikaia. Mehemea ranei kei te kore ratou i te marama, kaati me ata kawe te reo Maori mete ngakau o Te Minita kite whakamariri i tenei pouritanga i runga i era motu maori e wawatatia nei te ngakau kia tae mai te wa e kotahi ai he reo Maori mo nga motere o Te Moananui-a-Kiwa.

|Kua tae a Huata a Tnri me Te Minita ki Mohaka he titiro i te ahua o nga whenua Maori hei whakapaunga i etahi moni hei whakapai i aua whemia. Ka pai tena. Kia kaha mai e Ngati Pahauwera! Kia tekau-ma-toru mano pauna tonu te tono hei kahai mo koutou (£13,000 .0.0)