HE KUPU POROPOROAKI

Toa Takitini, Issue 100, 1 December 1929, Page 1966

HE KUPU POROPOROAKI

Ki oku hoa minita maori o te P'kopatanga o Waiapu-. Tena koutou e noho mai na i o koutou pariha. Ma te atua kaha rawa koutou e whakakaha kite mahi i tuna <• pai ai a nga tau e heke iho nei: mana hoki koutou ko a koutou whanau e tiaki, e manaaki, kia tat a nga ai mo te Ra o to tatou Arikika tata nei. Kia mahara leua, tena, '‘he hoa nahi na te atua” koutou 1. Kor. 3. 9. Na reira me whai tonu kia mohio ki tana e pai ai hei mahi ma tena, ma tena, a ia ra a ia ra. Kaua e noho mangere: kaua hoki whakapau i to kaha ki te mahi i tau e whakaaro ai, e pai ai, engari i tana. Kua tuhituhia hoki nga Karaipiture Tapu hei tohutohu, hei whakaako, i a tatou kia mohiotia ai tana e pai ai: kua whakahau mai hoki ia kia kimihia kia mohiotia e tatou katoa. Epeha 5. 15 ki 18 Na reira kia tupato tena, tena,ki tana e mahi ai e kauwhau ai, kei Kore e rite ki ta te Atua. Kia tupato hoki kei pau i te ahi a te Ra nui o Ihu Karaiti tau e hanga na i enei ra. Tirohia ano 1. Kor. 10 ki 15. Maharatia te whakatauki a o koutou tipuna, ara “Ruia

taitea, mi taitea: waiho kia tu ko taikaka anake.” Ka tata hoki te Rangatiratanga o te Rangi. Ara* kua tata te Ra o Ihu Karaiti, e whiwhi ai ia tangata ia taiigata kite utu e tika ana, e rite ana ki ana toahi ahakoa pai ahakoa kino, ahakoa mahi he noa iho*

Na reira kia kakama kdiitou, e oku hoa, kite mahi, kite mahi hoki i a ta te Karaiti i whakahau ai. Kauwhatia te Kongo Pai o tona Rangatiratanga, peia atu nga rewera, whakaorangia nga turoro matui 10. 7 ki 8. Whakapaia te huarahi o te Ariki. ‘‘Whakatahuritia nga ngakau ote hunga tutu kite mohiotaiiga ote hunga tika.” Tirohia te Ittoi mo te Ratapa tuatoro o te Haerenga mai, me Matui 3* 2. 3.

He poto noa iho hoki te taima inaianei mo tau mahi i tau e pai ai. E mohio ana hoki a hatana me ona ope katoa he poto rawa te wa mo raou: Koia e whakapau nei ratou ito ratou mohio, kaha hoki, kite wehewehe i nga ope hoia 0 Ihu Karaiti, kite whakararu i a tatou, kite whakaware 1 te nuinga ki nga mea he noa iho o tenei ao, kei hinga ratou i a tatou, kei rokohanga hoki tatou e te Karaiti e tatari ana ki tona hokinga mai, e mahi ana hoki i tana i Whakahau ai.

Ko taku poroporoaki tena kia koutou, e oku hoa, e aku teina, e aku tamariki, i roto i te Ariki.

Kua tino tata tenei koroua kite mutunga o nga ra i whakaaetia mo te noho ote tangata i tenei ao i tene wa. Ka whitu tekau oku tau a Aperira e heke iho nei, a kua kore e kaha kite mahi tonu i nga mahi mihana i homai nei ete Pihopa o Waiapu i te tau 1919 hei mahi maku, me ka kore he hoa mahi moku.

Kahore ano kia whakaaetia aku tono i tetahi hei awhina i ahau. engari kua tu he ropu ke hei mahi mihana puta noa i Aotearoa.

Ka tekau ma tahi nga tau inaianei e whakapau ana ahau i toku mohio me toku kaha ki taua mahi “mihana,” kite whakaora hoki i nga mea mauiui. Koia hoki ta te Pihopa i whakahau mai ai. Kua Kite hoki te nuinga o koutou-kahore te katoa i toku hiahia, me toku kaha kite whakaako i nga tamariki kura i nga ata, kite awhina i nga turoro i nga awatea, kite kauwhau ite Rongo Pai Tapu kite katoa i nga po puta noa i nga ra ote Mihana, kite pei i nga rewera, kite whakapa ringaringa ki nga mea mate, i runga i te Ingoa o to tataou Ariki o Ihu Karaiti na ana nei te whakahau kiapera tatou katoa.

He tokomaha hoki te hunga kua whiwhi kite marama, kite ora hoki mo te wairua, mo te hinengaro, mo te tinana hoki.

Me whaki e ahau he pokanoa pea taku haere ki nga pariha p te nuinga o koutou, a koia pea i kore ai e tautokongia te

mihana one ahau hoki. He mea whakahau etahi mihara na te Pihopa o Waiapu ki a koutou, ki ahau hoki. He mea karanga etahi atu na te Pihopa me nga wahine pakeha i nga whare mihana, he mea tono etahi naku, ake kia whakaae koutou. Tokorua anake o koutou katoa i pai, i whai whakaaro, ki te karanga “mihana” ki tona pariha ki tona pariha. Me i whakaaetia taku motini i te wa o te Kinota i a Oketopa, kua Kaha tonu ahau kite awhina i taua komiti a nga ra, a nga tau, e heke iho nei. Koia hoki toku wawata: koia hoki i hiahia nui ai ahau kia whaaaetia e koutou. lunuhia ai e ahau k waho o te Hinota he kitenga noku kahore te nuinga o koutou i te pai kia tu he komiti hei karakia i nga turoro, hei patu ite mana o nga tohunga maori. Ki te ahua onga kupu korero, pai ke atu te tohunga maori i ahau; pai ke atu hoki ana mahi maori i aku e mahi nei i runga i te Ingoa Tapu o Ihu Karaiti, i runga ano i te mana 0 te Wairua Tapu. Kati, waiho i ta koutou i whiriwhiri ai, i paiai. Itemea kua kore koutou e pai, ehiahia, kite karanga “mihana” ki o koutou pariha: kua kore hoki e pai ki te tautoko 1 taku motini kia tu he komiti hei awhina i a koutou i o koutou pariha, hei uiui hei rapu i te tikanga o nga mate rereke e patu ana i te iwi maori, i te Hahi maori hoki, i tenei wa: itemea hoki kua tu he ropu ke, he ropu taitamariki tokotoru, hei mahi mihana “puta noa i Aotearoa, ki ia pariha ki ia pariha i tenei tau:” itemea hoki kua timata taua ropu te mahi i a Akuhata me Hepetema, ki nga pariha o tenei Pihopatanga hoki, e kite marama ana ahau kua kore he mahi maku inainei ki waenganui o te iwi maori e arohatia nuitia e ahau. Kua rite tenei kite whakatauki ate maori “ka pu te ruha, ka hao te rangatahi.” Heoi, kia kaha te ropu hou ki te “hao tangata,” kia pera me Pita ma . Kia kakama hoki tena, tena, o koutou kite mahi hei awhina kia tini ai nga hua o te mahi. Mahia takitahitea o koutou Pariha. Ngakia tau patohe: kaua hoki e whakato roto i nga tataramoa. Tirohia Here 4 3. Tapahia katoatia nga ‘‘tataramoa” e kaha ana te tupu ki tena pariha ki tena pariha, nga mea maori, me nga mea pakeha : hutia ake nga pakiaki: kia kaha ki te parau, kite rakaraka, kite ngaki toto i tau wahi ote mara waina oto tatou Ariki: kia mahara ki te rui tonu ite “purapura pai,” ara i “nga kupu a te Atua.” Heoi ano. Ka mutu taku i konei. Hei kona koutou mahi ai. Na ta koutou akiritanga Na Kenena Aata Wiremu Pukehou, Napier. Tihema 16, 1929