NA TE TOA.

Toa Takitini, Issue 98, 1 October 1929, Page 1084

NA TE TOA.

Ano nei te ahuatanga o nga kupu a R.T.K. ko nga Etita etahi kei te tautoko kia haere te Pihopa ki Ingarangi. Kaore. He hunga tu-waenganui nga Etita. Ma te iwi ke te kupu: me haere ranei, kaua ranei. Engari ko ta te Toa i whakamarama ai ko te taha e ki ana me noho. Kua pai ra tenei take. Kua kore i waiho mo te hui rawa kite Waimate whakaoti ai. Kua whakaotia ete Hui ate Taha Maori o te Hahi i Nepia. ma te Pihopa noa raua ko Ta Apirana e korerorero tqua take.

I whakaaetia e te Hinota o te Pihopatanga o kia puta he whakaaro ma te Hahi kia Rewi Tamihana o te Wairoa mo te 57 tau ona e tu ana hei kai karakia. Ko te motini na Atirikona Hapata Wiremu i kokiri na te Pihopa o Waiapui tautoko. Ko te whakaaro nei. me puta penei i te penihana, a tae noa te mutunga o ona ra. Ko Rewi Tamihana ka 85 ona tau. I whakaakona ia kite Raukahikatea mo te rua tau. Mai o taua wa ki naianei ka 57 Tau ia e kai karakia ana. Ko tona kai karakiatanga rite tonu ki o nga minita, nuku atu hoki, Ina hoki ra e taea ana e ia nga wahi katoa ote pariha haere te karakia. He haere tonu mana i nga Ratapu katoa. E oti katoa ana i a ia nga mahi i whakaritea maana. I tono ia i te Hui a te Komiti Timukai i tu ki Pakowhai. kia kaati taana mahi, i te mea ka ahua atarua ona kanohi Kaore tona whanau i whakaae. I mea ate Hata Tipoki raua ko Turi Kara: Ekoro me hinga koe i runga ito mahi. Na te tokorua nei te whakaaro penihana mo to ratau kaumatua, tautokona nei e te Hinota.

NGA TAUIWI: Kanui te whakarongo kirikiria ake o nga taringa kite whakhua a etahi i enei kupu i nga ra nei- Me ki ake pea, na te kuare tana ahuatanga. Kite karangatanga i atana: ko te hunga katoa i waho o te hahi ratana, he tauiwi era, pakeha mai, maori atu. Kanui te kaha o te haere o enei kupu, otira ko te hunga whakaaro, kaore i te aro atu. Tena pea te wa ,e mutu ai te whakaihu waaki i aua kupu. Nga Tauiwi, he whakamaoritanga mo te kupu Pakeha Gentiles, mo te kuup Hiperu Goiim. Kite Hiperu. ara Hurai, he Goiim katoa era atu iwi i waho atu i a ratou. Ko te take ko ratou te iwi i kowhiria e te Atua mona, a i whakamaua ai hoki nga lire. Ko nga Tauiwi i tango kite tikanga o nga Hurai, i karangatia era he porohiraiti. Ka kite ai tatou he Tauiwi te katoa i waho atu ote tikanga mete karangatanga o nga Hurai. Na te Kongo Pai o Ihu Karaiti, ka mahue atu nga Hurai i kona karanga noa ai he Tauiwi era atu o nga Iwi. Kia te Karaiti ia nona te katoa. Hoa 3.16 Korohe, 11 Na, ka mawhea mai ai ta nga ratana?