TE INGOA NEI AOTEAROA.

Toa Takitini, Issue 98, 1 October 1929, Page 1085

TE INGOA NEI AOTEAROA.

Kite Toa: Tena koe, me a tamariki whakahaere i a koe. Tena koe, e whakaatu nei i nga kino, i nga pai, mete tika, mete pono ote tangata. He mea pai tenei ki au. Ahakoa pewhea nga korero e hoatu ana kia rongo te katoa. Kaore he mauahara i roto. E rite ana tenei kite korero a-kanohi. I runga i te kaha wehe i te mamao hoki o nga takiwa e tupono

ai nga reo korero kia ralou, ho reira he pai hoaiho ki ah nei te waiho ma ta latou Pepa e whakaatu a tatou korero. He ao hou hoki tenei, me on a likartga- Kua pahemo te ao tawhito ki muri; haere e nga, iwi i te ture o te ao hou. Mo te kupu a toku hoa a Ngakum Pene Haare, e ki nei kaore ia e pai me tuhi a reta, engari me korero a-waha. E hoa ma, ki te tika hoki ite reta, ka tika hoki ite waha. Ki te he nga korero ite reta, ka he hoki ite reo. Kaua koe e tapae kia matou. Kua puta a matou nei korero, a kua kite iho koe. E kore nga take e oti kite nohopukutia, engari me korero. E ki nei hoki koe kei a koe te maramatanga mo Aotearoa. A, me karanga rawa he hui, ka whakahurimi ai i a matou kia koe, katahi ano koe ka korero. He kupu ahua whakahi tenei. Na reira e te hoa kaore he wehi mo tenei kupu, Mehema kite tupono atu e kore e urutu mai, he korero hoki. Ehara tenei i te kupu rere noa, engari he whakautu mo enei ahua kupu. Mo taku take tuatahi, i pape taku reo- No te taenga mai nei o te pepa ka kite iho ahau i te he. Kaati me whakatika. Mo te utanga a Toto i te ngakau aotea ki runga ki te tangata: i utainaketia kia Ruanui raua ko Hinerauwharangi ko tona wahine. He moteatea iho ki nga korero a oku hoa a Tuhitaare Heemi raua ko Wi Repa. E tautoko atu ana i te kupu a Tuhitaare a ki nei, ehara i a Kupe te tuatahi mai k tenei Motu. Engari kaore ia i whakahua ko wai taua tangata. Maku, taku eki ake, ma tetahi taana. Ko te tangata tutahi ki tenei Motu he manu, he tiwaiwaka te ingoa. Kite ki a nga kaumatua ko Ruatupua taua tangata ra, manu hoki. Kaati me whakamrama: E penei ana ko aua tiwaiwaka ra na Ruatupua. Ka tini haere ka tukua kite ao haere ai. Ka tae mai ki tenei Motu. No muri ka tae mai a Kupe, ka kite i aua manu No te hokinga o Kupe ka korero atu ki a Turi kaore he tangata o te whenua. Ko nga tangata i kite ia, rokohanga atu ia e moe tupoupou ana, ko nga kumu kei runga, ko nga upoko kei raro- Na, kia mohio tatou, ko nga tiwaiwaka e titakataka nei ka hura ra hoki nga hukumaro ki runga ka riro kote upoko ki raro. Ko te kupu tera a Kupe. E kore e taea te whakakotahi a te iWaipounamu me Wharekauri ki raro kite Ingoa nei Aotearoa. Kaati ano o era motu ingoa. Engari pea, me whakahua te kotahitanga o nga iwi runga i te tangata, ara i a tatou i te iwi Maori. Ko te rangimarie ko te aroha hei whakatutuki. Eki ana hoki te kupu: Whaia kia mau te kotahitanga o te wairua, he mea paihere na te rangimarie. Epeh 4.3. No reira kia ora ano tatou katoa. Na to koutou hoa pai. Kapua Rangataua Keepa, Purangi.