TE WHAI-KORERO A TE PIHOPA.

Toa Takitini, Issue 93, 1 May 1929, Page 977

TE WHAI-KORERO A TE PIHOPA.

I whakapuaki te Pihopa i ana mihi mo nga mihi aroha a nga iwi ki a ia a mo nga tangata hoki o enei takiwa i tae ki Nepia i te ra i whakawahia ai ia; apiti ki enei ko te pai o nga manaaki i a raua ko tona hoa wahine i a raua e haere nei i roto i te Tai-tokerau. 1. Turanga Atirikona.— Kua tae tenei kite wa e whakamatau ai tatou ki turanga i raro iho i te Pihopa. He mea pai mehemea ka whakatakoto tenei hui i tetahi motini kia whakaturia etahi Atirikona Maori hei mangai mo te Pihopa Maori i tena takiwa i tena takiwa. 2. TV Kura Minita. Kia kaha koutou kite titiro mai i etahi tangata mo te turanga Minita. Kanui te awangawanga o te whakaaro mo nga tamariki Maori e kura mai nei i te Kareti o Hoani i Akarana. Ehara ite mea kei nga akoranga te he. engari ko te mea e kitea ana ko te kaha rawa o te whakapakeha o nga tamariki e puta mai ana i reira, mete kuare ki te whakahaere i nga Karakia Maori. Na reira ka hoki ano te whakaaro ki Te Ran Kahikatea; otira ko te wahi pai raw ako Te Ante Kareti. Kia waiho ai te mahi Minita ki

mua tonu i nga whakaaro o nga tamariki e tae ana ki Te Ante, a he maha hoki nga kainga hei karakiatanga ma nga tamariki i nga ratapu. 3. Nga Whare Karakia. He wa tenei e tika ana kia whakahoutia nga mahi whakapaipai a o koutou tupuna, ara te whakairo. te tui, mete taniko. He taonga pai rawa enei ki roto i nga Whare Karakia, kia tiakina paitia ai enei mea o to tana Maoritanga, hei mea ano hoki e man ai te wairua Maori i roto i nga whakapaipai o o tatou Whare Karakia. 4. Nga Himene Maori. Kanui te whakamihi mo te pai me te reka o a koutou himene. Engari kia mahara ko nga himene katoa i roto i a tatou rawiri nei na te pakeha, kahore kia kotahi na te Maori. E tika ana kia whakaaro tatou ki te hanga i teahi himene i pupu ake i roto i te ngakau Maori, a he aha te he o te hoatu i etahi rangi Maori mo a tatou himene. 5. Whahahaere Mihana. E whakaaro ana ahau kite whakahaere Mihana i roto i nga Pariha katoa i tenei tau e haere mai nei. Kia kotahi te kainga hei huinga mo nga tangata katoa o tena takiwa o tena takiwa. Kia torn etahi tangata hei hoa moku: kotahi hei whakahaere i nga karaihe akoako i te Paipera, kotahi mo te taha ki nga wahine. ko tetahi mo nga mahi Koea. 6. Nga ivhakahaere Kaute Moni. Kia kaha te whakaaro kia a koutou Kaute Moni katoa, kei ekengia tatou e te kupu i enei ra. 7. Awhina i nga tamariki Minita. He hua tenei i puta i roto i te tunga o te Pihopatanga Maori, ara kia horapa te awhina mo nga tamariki a nga Minita ki te motu katoa. 8. Kura Ratapu. Kia kaha koutou kite whakahaere i tenei tikanga i nga wa katoa. Itewa e tamakiri ana e ngohengohe ana nga whakaaro e taea te whakatika; ka tukua kia pakeke he mahi uaua. Na reira kia kaha mai ra koutou te iwi ki te awhina i to koutou Pihopa Na koutou te taonga nei; te Whakapono i puritia paitia e o koutou matua tupuna, taka iho kia koutou. kua puta tona hua i roto i tenei ra. Kaua e tirohia ko te taha honore o te taonga nei, engari ata whakamahia e tatou tahi, taka paitia te taonga kua homai nei ete Atua ki a koe kite iwi Maori, kia tupu ai hei mea whakamiharo kite aroaro o nga whakatipuranga e whai mai ana i muri. Rauhitia mai koutou Maori nui tonu ki raro i to koutou Pihipatanga, whakakotahitia taua te iwi Maori i roto i tenei ra, whakairohia he kaupapa whakapono mo taua mo te iwi Maori, kia noho ai lici mea whakamiharo kite ao, hei mea ano hoki e whai kororia ai te Atua i roto i a koe i te iwi Maori.