179.—HE WAIATA TANGI.

Toa Takitini, Issue 93, 1 May 1929, Page 1000 (Supplement)

179. —HE WAIATA TANGI.

Na Ngati-Porou. Na Waiheke Puha nga kupu, nga whakamarama. Ko tenei waiata mo etahi tangata i riro atu i te hau i waho o Te Kawakawa (Te Araroa), he hau karakia. E kiia ana ko taua hau na Ngarangikatuku, he tohunga whaiwhaia no Waiapu, na Te Hamana Mahuika i tahu kite ahi ki Tutu. Ka kahakina te waka o nga tangata ra ki Tuhua, e torn o raua ra ka u ki Tuhua. Ka patua aua tangata ki reira, ka taona. Na tetahi wahine, he tuahine ki aua tangata, i tito te waiata nei. Titiro, ki uta ra, Ka kohikohi 1 te ao; Hei Waiomeka, 2 Hei te Ngaere* ra. I waiho e koe Ka tuturu Tawhiri; 4 Kopikopiko 5 ai, Kei te ihu kei te ta, Ka huti mai te punga,® “Hei konei e te iwi !” Ka manawareka Whatuwhero 7 i uta ra, Ka mate o kai, 8 Ka mana ra koe. Kawea 9 kite wai Moimoi hau ai, Ma te hautonga ra E whiu ki tawhiti. •Kohikohi: Ka motumotu te ao. Ki Te Araroa, ina puta te ao i runga o Maungaroa, ka motumotu te ao, he hautonga kino kei muri; kia tere tonu te hoki ki uta. SKo nga taunga ika ena e tata ana ki uta mo nga rangi hau. Kaore nga tangata nei i noho mai i ena, ka hoe kite taunga i waho rawa atu, kite Onepu. I riro raua ite hau ki reira. 4 Tawhiri; Ko Tawhirimatea, ko te atua o nga hau. sKopikopiko ai: E whakaahua ana i te ahua o nga tangata ra i runga i to raua waka.

6 anga: J^ a kut * a te punga- ko te wa tera i kahakina ai. 7 Whatuwhero : Mo Ngarangikatuku, whero tonu hoki nga whatu o taua koroua. eKai: Mo nga tangata i kahakina ra. ®Kawea ki te wai: Mo te makutu, i kawea kite wai karakia ai.