TE KARAKIA WHAKAWAHI.

Toa Takitini, Issue 88, 1 December 1928, Page 884

TE KARAKIA WHAKAWAHI.

I Te Pihopa o Aotearoa. Ahakoa pehea te kimi i etahi kupu hei whakaatu i te whakamiharo o te hinegaro mo te whakahaere o te karakia whakatapu i to tatou Pihopa e kore rawa e kitea. Ko te iwi pakeha nana te mahi, e ki ana, kaore ano he whakahaere karakia o mua iho tae mai ki tenei wa i penei rawa te ihiihi, te tapu, te whakamiharo. Tuatahi o nga take i penei rawa ai te korero, katahi ano te huinga o nga Pihopa katoa o Niu Tireni, kaore he Pihopa i ngaro. Tokowhitn nga Pihopa, tokowaru ki te Pihopa Maori. Tuarua, katahi ano te karakia nui ki tetahi o nga Wharekarakia Pihopatanga (Cathedral) i ki tonu ai tetahi hawhe o te whare i te Maori, me tetahi hawhe i te pakeha. Tuatoru:katahi ano te karakia nui i whakauru tahi ai te reo Ingarihi mete reo Maori, i roto i nga himene, ite Ritani, mete kauwhau. Ko nga nohanga i whakaritea i roto i te whare-karakia 1,200. Iki katoa nga nohanga me te tu mai ote tangata i nga waahi c watea ana. Tera pea i tae kite 1,500 nga tangata i urn ki roto i te whare-karakia, me tetahi mano i waho noaiho e tu ana. Ko te wahi tuatahi i timata ai te ihiihi .no te tomokanga mai o nga ropu whakahaere o te Hahi. I mua tonu ko te kaihapai it e ripeka, i muri mai ko te choir (tamariki, kaumatua). I muri i a ratou ko te Rehita, ko te roia o te Pihopatanga, ko nga minita Maori, pakeha. ko nga Kenana, ko nga Atirikona, ko te Pihopa Maori, ko nga Pihopa o te motu, ko te Kaikauhau (Atirikona Hapata Wiremu Litt D., ko te kai-tiaki o te Whare-karakia, ko te Atipihopa o Niu Tireni. E tomo ana te ropu nei mete waiata haere ite himene 102. “Te take ote Hahi. E mutu iho ana e whakahaerelia mai ana c te Atipihopa te timatanga mai o te karakia o te Hapa a te Ariki. Ka tae kite kauwhau ka timata mai te kauwhau a Atirikona Hapata i te reo Maori, a i muri iho ka reo pakehatia (Kei raro iho nei te kauwhau a Hapata),

Ka mutu te kauwhau, ka tikina mai te Pihopa Maori, ka aratakina e te Pihopa o Poneke, e te Pihopa o Waiapu ki te aroaro o te Atipihopa i mua o te Aata. Ka panuitia e te roia te tiiti whakamana i te karakia whakatapu i tenei tangata hei Pihopa mo te Hahi a te Atua. Ka mutu tera, ko te oati a te Pihopa hou mo te piri-pono ki nga upoko o te Hahi ka mutu, ka whakahaeretia te Ritani i te reo Maori e Pine Tamahori. I m,uri iho ko te 155 o nga Himene “E koe te Kingi atawhai.” Ka mutu ka patai mai te Atipihopa i nga patai o te karakia whakatapu i roto i te Rawiri, ka whakahokia atu e te Pihopa hou. Kaore ano kia mau nga kakahu pihopa kia Peneti i tenei wa. No konei ka whakamana katoatia mai. Ka mutu ka tuturi Katoa, ka himene i te himene mo te Wairua Tapu, na nga Pihopa anake tetahi rarangi, na te whakaminenga tetahi. Ka mutu katahi ka karapotia te Pihopa Maori i a ia e tuturi ana, e nga Pihopa katoa ote motu, mete whakapa i o ratoo ringaringa matau ki tona mahunga, me te whakahua mat a te Atipihopa i enei kupu: — “Kia riro i a koe te Wairua Tapu mo te mahi ate Pihopa i roto i te Hahi a te Atua, e tukua atu nei ki a koe % i o matou ringaringa e whakapakia atu nei; i runga i te Ingoa o te Matua, 0 te Tama, o te Wairua Tapu. .Kia mahard anp koe kite ivhakau i te ahi, am. i ta te Atua mea homai noa, ka riro na i a koe, he mea na te whakapanga atu o o matou ringaringa: E hara hoki i te wairua o te wehi ta te Atua i homai di ki a tatou; engari to te kaha, to te aroha. to te ngakau mahara .” Ka mutu ka tapaea mai te Paipere Tapu. No te whakapanga ringaringa ka pupu noake te aroha ote iwi Maori. Eki ana etahi to alma o to Pihopa Maori ano he reme c kawea ana hei whakahcrc. He tokomaha nga Maori, me nga pakeha hoki 1 tino tangi i tenei waahi ole karakia ara he ihiihi. I mea etahi i te kaha o to tapu, ano ka taka lonu iho tetahi mea o te rangi. Ka mutu mo tenei wa nga korero mo le karakia whakatapu i to koutou Pihopa.