133.—HE WAIATA TANGI.

Toa Takitini, Issue 88, 1 December 1928, Page 131 (Supplement)

133.—HE WAIATA TANGI.

Mo Koi-tikitiki raua ko Te Kara. (Nga-Puhi) . Na Ngakuru Pene Hare nga kupu, nga whakamarama. Kaore i marama na wai tenei waiata i tito. Ko nga tangata mona te tangi nei, e kiia ana na te taniwha i huri kite moana. Huhu noa ana rapurapu noa ana, Ka ngaro ra, e, aku manu 1 tiutiu i te ata e! Papa te whatitiri, kahukura i te rang!, Ko an ki raro nei tawhana kau ana e! E tuwhera kau nei te riu o te whenua, To Uenuku 2 haerenga, e! 1 waiho e koe to patu i te whare, Tangaroa-maomao, 3 te ika a Hinewehi, e i. E whakamaua nei, e, mo nga korero i te whare. E kore koe e ora, he puni 4 taurarua, e. Kawea korua, ka karapotia Ki te pou roto, ki te pou waho, Te pou whakakiwa, te riri a te taniwha, 5 e. Tuia te ika runga, tuia te ika raro, Wahia to patu kite angaanga 0 te Rangi-kokouri, 6 taritari ope mai, e. Ka hinga tana ika, ko Tunuiarangi, Tikitiki o te rangi, ka tu Kaiwaka 7 i te uru, e. Taku koara te uira i te rangi, Ka whakamonenehu ko te tohu o te mate. Rukuhia, e tama, he toroa mapuna, Ka maea ki runga ra, ka poroporoakina; To te totara haerenga el He aha koia koe te hapai ai teara 8 o to waka, Uenuku-moeroa, 9 ko te ika 10 a Haraki. He kawataua” na o tupuna, e tama! Koa tu mai ra nga wahine 12 ite uru, e, Auraka e koaina, he tikoki waka nui, Ko Puhi-taniwha-rau, 13 he kai whakautu 14 rua, He tangata, e! Ka maro te ara no Whiro Ki Aotea ra ia hoki mai ai, e! >Manu tiutiu: Nga tangata whakahau kite riri, ki nga mahi, etc. zUenuku: He whakaritenga kupu mo te rangatira. sTangaroa-maomao: He kai whakaara riri, ara he kai patu takere. Kite tangohia hoki tau kai ngakau, he maomao ki tenei, ka wehi te wahine, ka oma kite ngahere, ka mohio he mate. Koia te ika a Hinewehi. «He puni taura rua: He taniwha. sTaniwha: —Ahakoa ki uta, kite moana, ka mate i te taniwha, sTe Rangi-kokouri; He tangata taritari ope mai. ?Kaiwaka:—He tahuna kei te ngutuawa o Hokianga, na Nuku-tawhiti i karakia, kia tu ki reira hei arai atu mo te tohora a Ruanui, kei hoki mai ki roto. Na Nuku hoki i karakia ka tere. sTe ara:—Mei karakiatia te ara o te waka, e kore e tahuri., sUenuku-moeroa; karakia kia mate, he ngakau whakatakoto.

'°Te Ika a Haraki:—He mataika. "He kawataua:—No roto i te riri, he kaupapa mai no nga tupuna 1 2 Wahine i te uru;—No nga iwi nana te whakaaro kia whakatahuri. ,3 Puhi-tamwha-rau:—He ingoa e karangatia ana ki a Nga-Puhi. ,4 He kai whakauturua:—He tangata e kore e wareware kite whakautu i te mate.