132.—HE WAIATA WHAIAIPO.

Toa Takitini, Issue 88, 1 December 1928, Page 130 (Supplement)

132.—HE WAIATA WHAIAIPO.

Na Pakiri. (Nga-Puhi). Na Ngakuru Pens Hare nga kupu, nga whakamarama. Tokotoru nga tangata i haere mai i Wairoa, i haramai ki Waima, ki te kainga oTe Mahurehure, i reira hoki te tohunga ta moko. Ko Whatitiri, ko Te Paewa, ko Takaroa nga ingoa o ana tangata; ko Te Ikanui o ratou i noho atu i te kainga. No te otinga o o ratou moko te ta, katahi ka hiahia te wahine, ko Pakiri te ingoa; he wahine mohio kite whakairo whare, he tuahine no Mohi Otene o Mangamuka, he waihne rangatira no Mangamuka. Ko Whatitiri i whakamatau tuatahi kite wahine ra, kaore i pai mai. No muri iho ka titiro te wahine ra ki te pai o nga moko oTe Paewa, o Takaroa hoki, kua hiahia ia ki a Takaroa. Kaore tetahi o nga tangata nei i whiwhi i te wahine ra. Na taua wahine te waiata nei i tito. Tera Whanui,' ko Atutahi 2 Ka marewa i te pae. Kia ata tuku mai ko Whatitiri; E kai mohu ana to ringa toro mai, Paheke rawa i taku tinana. Ka kai ra, e aku kanohi Te kuru 3 mata rerehu No Te Paewa, mie ko Takaroa, Hei te tauawhi kino i aku mata. He pari horo au ko Whakatere, 4 I puhia reretia te tihi 5 tapu Ki Te Waka 6 i raro. Te kite au te pai tangata I a Te Ikanui. 7 He horanga mata mai no te Titaha, 8 Ka rangona roto nei E ngau takiri ana, Kei te au huriwaka o te rae Ki Wairoa 9 i raro; Kei tae, hoki muri mai Au ki te iwi. •Whanui:— whetu; kite pakeha ko Vega. zAtutahi; —-He whetu; kite pakeha ko Canopus. 3 Te kuru, etc: Mote moko. —He maunga kei runga ake o Waima, i Hokianga. sTihi —He puhi hoki a Pakiri. eTe Waka:He kainga kei Wairoa. ?Te Ikanui: —Ko te tangata rangatira tera, ko te mea i ngaro atu, Te Titaha: He ingoa ano no Takaroa. sWairoa:—He kainga, a he takiwa whenua kei waenganui o te ngu tuawa o Hokianga o Whangape.