130.—HE TANGI MO NGA RANGATIRA.

Toa Takitini, Issue 88, 1 December 1928, Page 125 (Supplement)

130.—HE TANGI MO NGA RANGATIRA.

No te Tai-rawhiti. Ki etahi korero na Rangiuia tenei waiata, he tangi mo nga rangatira o Te Aitanga-a-Hauiti, ara, mo Te Kani-a-Takirau. E ki ana a Te Take Te Tomo i rongo ia i tera korero ki a Mauhana Houkamau. Kaati ka tukua atu kia tirohia mai e nga iwi o te Tai-rawhiti. Kei Heretaunga nei tae atu ki Waiapu e waiatatia ana i nga matenga tupapaku. (Refs.: T. Turi 26, Take 75, B. 3/214). A tatau korero hoki ra, e, I nui o rangi ra, He mea kia mahue, e. Ka kaitea rikiriki, Ka ngaro hoki ra, e, Nga waha ki, nga hautu o te waka, I hoea ai te moana; Hei whakapuru atu ra, e, Mo nga tai kino, mo nga tai marangai, Ka puta ki waho ra. Taua mai ra tatau, e, Ki tau nei ki a Marewa-i-te-ata,' I maunu atu ai, e, Te taniwha 2 i tona rua, i. 'Marewa-i-te-ata:Kei tetahi whakaoriori a Ngati-Kahungunu e penei ana:Kei te tau na koe i te tau a to atua a Uenuku, Ka riro i a Uenuku-matua, ko Marewa-ki-te-po, Ka riro i a Pawa-matua, ko Marewa-ki-te-ao. zTaniwha:—Ki ta te Taite ‘te ika nei.’ (M. 218). Pera ano ki te B. 3/214.