129.-HE WAIATA TANGI.

Toa Takitini, Issue 88, 1 December 1928, Page 124 (Supplement)

129.-HE WAIATA TANGI.

IN a Rangi-tapuae. (Ngati-Whakatere, Ngati-Raukawa). Na Te Taite Te Tomo i whakamarama. He tangi tenei na Rangitapuae, he wahine no NgatiWhakatere, hapu o Ngati-Raukawa I moe ia i a Reweti Kuti (Coutts), he pakeha, i noho raua i Otaki. I muri ka haere a Reweti ki tera motu kite Wai-pounamu, ki Wairau, noho tonu atu, ka mahue mai a Rangi-tapuae. Ka aroha te wahine ra, ka tangihia atu e ia te tangi nei i Rangiuru, ko te pa tera o Ngati-Raukawa i te ngutu-awa o Otaki. Kei nga wahi katoa tenei waiata e waiatatia ana, a tae atu ki te rawhiti, i taka pera ma raro, huri ake ia te Whanau-a-Apanui. (Ref.: Taite 74, T. Turi 30). Muri 1 hauata kia moehuri au, e, E tia i aku kamo ko te rere i taku kiri, e; E whakamakuru ana i te weherua po, e. Kei whea to ara i whanatu ai koe ra? E piki ki Rangiuru, 2 kia marama au, e, Auahi ka patua te utu ki Wairau 3 , e; Kei raro Riwiti, 4 e tauawhi nei au, e. Ko aku mata anake i whakamau ki waho ra, e. E tore koe e kitea i te rehu waitai, e. E papaki rua ana te rere mai a te ao, e; I haramai ra koe i te hoa ka wehea, e. Me mihi taurangi te mihi ki a koe ra; Hua noa ia nei, hei tan tupu koe kite whare, na i. 'Muri: Ki ta T. Turi Rangi Kauata, etc. Rangiuru:— te ngutuawa o Otaki. Ko te nohanga nui tera c Ngati-Raukawa i mua, ko te pa i te wa ano i a Te Rauparaha. 3Wairau:Kei te wahi e kiia nei ko Picton ahu atu ki Blenheim. —Ko Reweti Kuti.