121.—HE ORIORI MO TE UA-O-TE-RANGI.

Toa Takitini, Issue 88, 1 December 1928, Page 114 (Supplement)

121.—HE ORIORI MO TE UA-O-TE-RANGI.

Na Ripeka Pai-a-te-hau. (Ngati-Porou.) Na Kopua Purangi i whakamarama. Ko Te Ua-o-te-rangi he tamaiti na Tamati Purangi, na te wahine tuatahi, na Maraea, he tamahine na Manahi Parapara raua ko Iritana Houkamau. I mate tonu atu taua tamaiti i te itinga. Ko Ripeka Pai-a-te-hau he taina no Mere Raiha Hineitukua; ko etahi ena o nga wahine rangatira o Ngati-Porou, o te whakatipuranga tangata i te wa i tae mai ai te whakapono ki Waiapu. Tokorua aua wahine i moe anake i a Te Iharaira Houkamau Na Mere Raiha a Iritana, moe ra i a Manahi Parapara. Ko Te Hati Houkamau ma a Ripeka. He whanaunga a Tamati Purangi ki aua wahine i te taha ki a Ngati-Rangi o Reporua aki a Manahi Parapara ite taha kite Whanau-a-Te-Rangi-teekehua o te Kawakawa. Ko Kopua nana nei i homai nga kupu te wahine tuarua a Tamati Purangi. Te Ua-o-te-rangi, e tangi nei! Kiki o manu, aroaroa o tangata i a koe, Hei nui mohou, hei tangi mohou. Kaati ra, e tama, whakaangi i runga ra. Na Takurangi’ koe, na Rakai-wetenga, 2 Na Papa koe i te rangi, na Te Atua-mutu, 3 Na Kahukura-tawhana, Na te kapua whakapipi i te rangi, e. Ka rere koe he kauhou ariki, Na Hinemakaho, 4 na Rongotehengia, s Na Kahutia-te-rangi, 6 tangata i titia ki Titirangi. 7 Na te katipo koe, na te puwerewere, Te ara o Tawhaki i piki ai ki runga, I rokohanga atu ra Whaitiri-matakaka; 8 I tukua iho ai ko te ua nehu, ko te ua tara, Ko te ua patapata-i-awha, ko Whaitiri-papa. Hurihia ki raro ki a Papa-nui-a-Karioi, e takoto nei; Puta mai ki waho ra ko Hine-haehaemanga, Nana to wai hei waiu mohou, e. Hurihia ki runga ra hei to tuahine, Hei a Te Aokaui-rangi, 9 Mana koe e karanga mai, “Haramai koe. e Tama! Moe rawa taua i konei.” Apakura ko te ata, koukou kite wai.

Kia pai ai koe te haere, Takawhaki atu ra nga ngutuawa wai I roto o Waikaka. 10 Tahuri to kanohi ki te ahi ka mai Na o tipuna, kei roto kei Waiapu; Kaati ka hoki mai, e Tama! 'Takurangi: He tipuna no te tai-rawhiti. Rakai-wetenga: He mokopuna tuarua na Forourongi, kei te kawai matua. Na Porourangi ko Hau, nana ko Rakaipo, nana a Rakaiwetenga. B Te Atua-mutu: Ko Kahukura tera. 4 Hinemakaho: Na te Rakaiwetenga i runga ake ra ko Tapuatehaurangi, nana ko Tawakeurunga, nana ko Rakaimoehau, ka moe i a Tangi-haere ko Hinemakaho. Tirohia te waiata nama I. "Rongotehengia: He uri na Materoa. No runga ake a Hinekehu i a Rakaimoehau, nana a Whaene, nana ko Materoa. sKahutia-te-rangi: E korerotia ra i te waiata nama 1 16. ’Titirangi: Kei Hawaiki tena. B Whaitiri-matakaka: He tipuna no Tawhaki. nana nga taro i raweketia ra e Tawhaki. 9 Te Aokauirangi: He uri na Te Wikirikhi Matauru, e korerotia ra i te waiata nartla I, i te waiata nama 2. '°Waikaka: Kei te taha tuaraki o te ngutuawa o Waiapu,