119.—HE TANGI MO KUMARA.

Toa Takitini, Issue 88, 1 December 1928, Page 112 (Supplement)

119.—HE TANGI MO KUMARA.

JNa Pikihuia (Tuhoe). Ko te Piki-huia ano tenei nana rate waiata nama 117. Ko Kumara he tipuna wahiue no Tamarau Waiari raua ko Piki-huia. ISo nga pakanga a INgati-Ruapani, e noho ra i te taha tonga o Waikare-moana, ki a Tuhoe, ka whakaekea e Tuhoe uga pa o Ngati-ruapani i Whakaari, i Puke-huia, a ka horo aua pa, ka patua te tangata. Katahi ka takoto he mauuga-rongo. Ko te wa lena i haere ai te ope a Tuhoe ki Tutira, i mate ai a Tiwaewae, (Waiata nama 117). Ka kitea e Ngati-Ruapni te wateatanga, ka tikina ka patua a Tuhoe i mahue iho ki te Ana-o-Tikitiki, kei te taha hauauru o ter a whanga o Waikare, e kiia nei ko Whanga-nui. Ka whiua nga tupapaku ki te moana, ki raro tonu iho ote ana, i kiia ai tetahi ingoa o tenei parekura ko Te Waikotero (ehara ia i te Waikotero e korerotia ra i te waiata nama 117). Na, ko te kuia mona nei te waiata nei, ko Kumara, tetahi i mate i taua parekura. (Refs:B. 3/5, Wars: 860, J. 10/44, Tuhoe: 503.) E kui, Kumara! Tenei te whare i moe ai, Kia moe atu au i te marae kino, I te marae o Tu-mata-uenga. 1 ' Titi-rere-po, Kio’-rere-ao, 2 tautuku Waikare. 3 Rukuhia e koe te ruku i te kawau, Kia ea ake ana ko Haumapuhia. 4 Ngaua i runga, ngaua i raro, Ngaua i te tupuaki o era tipua. Tuatua i a Rata, 5 i a Wahieroa,* I a Tane e tu ana, Hai koiwi mo te tangata, Hai rangaki 7 i to koutou mate. Kia tohe Makauri, 8 e tohe Te Ariki, 9 Rere no a ia ra, me he rahui kawau Ki roto o Wairau. 10 Me rehu atu koe kite huna, I ngaro ai te tangata; Huna te kokouri, huna te kokotea, E tu 11 mariko, te tapiri ana i to taha, e. 'Tu-mata-uenga: Ko te atua o te pakanga. 2Kio’: Kiore.

3 Waikare: Ko Waikare-moana. 4 Haumapuhia: I nga korero tawKito o Waikare-moana e kiia ana ko te Jtamahine tenei a Mahu. Tirohia te waiata nama 17. (Tuhoe: 190, 278). Rata: He tipuna no te iwi Maori i Hawaiki ra ano. He korero nui no Hawaiki te tuatuatanga a Rata i te Wao-nui-a-Xane, ratau ko te Tini-o-te-Hakuturi, ® Wahieroa : —Ko te matua o Rata. 7 Rangaki: Ki to Tuhoe reo, ranaki; etahi iwi‘ ngaki.’ B Makauri: He rangatira no Ngati-Ruapani. 9^"e rangatira no Ngati-Ruapani; ko tetahi o ona ingoa ko Te kiorehore, nana te whakataka i patua ai Te Ana-o-Tikitiki. ,o Wairau: Ko te whanga hauauru o Waikare-moana. "E tu mariko etc: Kite Wars: 360 e penei ana, *E tu Mariko tata Piri ana i te taha, e i.’