HUI KI HEREAUNGA.

Toa Takitini, Issue 84, 1 August 1928, Page 822

HUI KI HEREAUNGA.

Hurae 22nd, 1928. Tenei etahi take a nga hapu maha o roto o Heretaunga. I tu te hui ate iwi ki te Kohupatiki, ako nga tangata i tae mai no Tangoio, no Petane, no te Waiohiki, no Moteo, no Omahu, no Pakowhai, no Te Waipatu, no Whakatu, no te Pakipaki, no Te Hauke. Katahi ano te hui penei rawa te nui ki konei. 1. BIBLE IN SCHOOLS. Na F. A. Bennett raua ko Maku Erihana te motini: “Ko tc tumanako o tenei hui, kia tautokona e nga mem a Maori te whakaaro o te Haahi kua paahitia nei i roto i te Hui Tianara Hinota, me nga Hinota Pihopatanga, kia whakaaetia te Piapera ki roto i nga kura ote Motu.” Paahitid ana ete whare katoa. I panuitia e te tiamana te tekiona whakamutunga o te ture (Clause 7) e kape ana i nga kura Maori ki waho. I te mea kua kore e pa he ramraru ki te taha Maori, ko te tumanako o tenei hui mehemea kaore nga mema Maori e kaha ki te tautoko i te pire kaati kaua hoki hei turakina e ratou. 2. WHARE KARAKIA O TANGOIO. I whakamaramatia e Temuera raua ko Hakiwai, ko te toenga nama kei te mahinga o tenei whare £2ll. Ko te hiahia kia oti hoki te tawa. Ko te utu mo tera £l5O. I whakaatu a Temuera kaore rawa e taea e nga torutoru tangata i mahue iho ki te Haahi te kohi he moni e rite ai te nama o te whare nei. I whai kupu a Kato Nepe, a Maku Erihana, a Te Hore Chadwick a Peni Hakiwai, a Hakopa, a P. H. Tomoana mo tenei take; paahitia ana te motini e man ake nei: “K nekehia te ra hei whakapuaretanga ite whare-karakia a Tangoio mo nga ra watea o Maehe.” E rua nga komiti wahine i whakaturia, kotahi mo te Pariha o Te Waipatu, kotahi mo te pariha o Moteo, hei whaka rite ra hokohoko ki Hehitingi ki Nepia. Ko nga hua katoa o enei hokohoko hei awhina atu i te whare-karakia o Tangoio.