HUI TAKUTA KI HAMUTANA.

Toa Takitini, Issue 82, 1 June 1928, Page 801

HUI TAKUTA KI HAMUTANA.

(Nama 2.) T. Wi-Repa. N°. te hatarei, te 25 o nga ra o Pepuere katae nga takuta e 70 ki Rotorua ki te whakatutuki i nga ra whakamutunga o te hui i timata mai ra i Hamutana. No te warn karaka ote po, ka powhiritia matau e te mea me nga menu o te Para Kaunihera o Rotorua. Ko te whare hui ko te whare kaukau ate Kawanatanga. Ko te Minita mo te Ora tetahi o matau. I Hamutana ano ia. He nui nga mihi ate tangata whenua. I tu mai ano a Dr. Bertram, me Dr. Duncan, o Rotorua ki lpowhiri ia Ngati-maua. Ko Dr. Duncan the upoko ote whare kaukau ate Kawanatanga. I tapaea mai eia te whare kaukau kia matau mo nga ra katoa ote hui; kaore he utu. No mini rawa ka tu mai te Perehitini, a Dr. Douglas o Hamutana kite mihi kite hui. Ik! ia, ko te hao a tona ngakau, kia tae mai nga tohunga ki Rotorua, kite Kainga whakamiharo o Nui Tireni. No tenei po ka tutuki te wawata o tona ngakau. Ko te Minita o te Ora, the Hon. I. A. Young, me Dr. Victor Bouncy itu atu ki te whakahoki i nga mihi ki te manuhiri. No te Ratapu ka haere te hui ki te piki-niki i runga ronihi i Rotorua moana. me Te Roto-iti. 1 Mourea te tina. No te ahiahi o tana ra, ite 7.30 p.m. Ka haere te Ropu kite Karakia ite Whare Karakia Maori i Ohinemulu. Tomo tonu te whare ia matau. Kapai hoki te karakia, nga himene me te korero i nga waiata. Ka ngahau te pakeha kite karakia. Hei nga himene, ka ngaro te reo Maori ite reo pakeha. Na Mohi, minita, i arahi te karakia. la Peneti, Minita, te Kauwhau. He tino pai te kauwhau a Peneti. I whakaatu ia, ko te Minita raua ko te Takuta nga kai-tiaki i nga taha e rua o te tangata. Taha wairua me ona mate ko te Minita. Taha tinana, me ona mate, ko te Takuta. Ite whakamutunga o tona kauwhau ka karanga ia ki nga takuta, me to ratau Ropu kia tirohia mai te ahua ote taha ki nga Maori. E 64,000 nga Maori, kotahi ano te takuta. I timata mai te rohe ate Takuta Maori ite Rerenga

Waima ki Murihiku; neke atu i te 1000 macro hei haerenga mana. Kite whakaaro o Peneti, kaore e taea ete tangata kotahi te mahi tenei mahi. Kaore ia ite whakahe kite kawanatanga. Kei te mihi ia mo te whakaaro ote kawanatanga i homai nei ite tangata kotahi nei. Kaore e tutuki te aroha ote kawanatanga ite tangata kotahi. I whakaatu a Peneti kia rongo mai a Dr. Valintine, Upoko o te Tari o te Ora, he pai ke ake meheraea e torn nga tangata: Kotahi mo te Tai Tokerau; kotahi mo te Tai Rawhiti; kotahi mo te Tai-Hauaum. E tika ana hoki ma te Maori e whakaatu te taha haua ote whakaaro a te Kawanatanga; a ma te Maori ano hoki e whakaatu te whakaoraora mo te pito hape o taua whakaaro. Ka mutu te karakia, he nui nga takuta i haere ki te ruuma kakahu-tanga (vestry) ki te ringaringa kia Peneti. Ko Dr. Valintine i whakawa ia Peneti mo nga kupu whakamutunga o tona kauwhau. I pohehe taua kaumatua ite whakahe a Peneti ite kawanatanga. Ikike a Peneti, he moumou te aroha ote kawanatanga kia kore e tutuki, i te kotahi tonu o te tangata; i te nui rawa hoki o te whenua hei haere erenga mona. TE MANAAKI A TE ARAWA. Ko te poo te Mane, 27 o Pepuere te po whakamutunga ote hui. la Te Arawa te whakahaere o taua po. Engari na te marangai i whakahe. Ina tonu a, po noa. Ko te marae i whakaritea ko Xe Papa i Ouru, ko te whare ko Tama-te-Kapua. I whakaaria hoki ka whaka-matakitakitia ki nga takuta nga whakairo a to Maori, te tao kai, te tunu kai i ro puia, me era atu tikanga a tatau e homai ana hoki he koura wai-Maori, me etahi atu kai-Maori ma te manuhiri. Ko nga whai-korero, haka, poi, kanikani hei a Tama te kapua. Whaia e te marangai, ka he enei hakaritenga. Otira kaore i mate te whakaaro o Taiporutu ratau ko tona iwi. Ka hikitia tenei ki roto ki te 44 Lyric Hall ”i te taone. Kapai hoki nga mahi aXe Arawa. I tae mai te ihi-ihi, me te koa kia au; notemea katahi ano tenei Ropu ka tupono kite Maori. He nui hoki to ratau mihi ki nga whakangahau, me nga kupu manaaki o roto o te whai korero a Taupopoki. I hari aku hoa takuta mai o Dunedin ki te nohopai ote Maori raua ko te pakeha e noho nei i to tatau whenua. Otira he wa no te ngahau ka ngahau nga~ tahi: hei nga wa ano o etahi take, tu ke ana mai he tuunga ke, he tuunga ke. E hara ia nei ite tangata? TE HIGH SCHOOL O ROTORUA. He Kainga a Rotorua no nga mea whakamiharo: 44 Nga wai korcpupu,” nga puia, nga puna mataotao, me nga wai ratarata. Hei nga rahui i Xe Whakarewarewa, me Kuirau. nga memo taonga whakamiharo katoa: te mamaoa e horu ana, te waiwere e puha ana, te paru mahana e tohi ana, me nga wai koropupu e rere tahi ana me nga wai matao. He mea whakamiharo enei. Otira, kei runga noa atu ote whakamiharo: Kaore hoki Xaria te roanga.