KOMITI TUMUAKI.

Toa Takitini, Issue 82, 1 June 1928, Page 800

KOMITI TUMUAKI.

T TE 7 p.m. ko te karakia ahiahi. Ko te kauwhau 1 a Pine Tamahori. Ka mutu te karakia, ka hui te whare runanga, ka puare te hui a te Komiti Tumuaki o te Atirikonatanga o Waiapu. Ko Atirikona Hapata te tiamana. Ko nga motini enei i paahitia:— (1) E whakaae ana tenei Hui me kawe ki Paihia te whakawahinga ote Pihopa Maori. Kite kore i reira, me kawe ki Te Ante Kareti kite marae o nga iwi katoa ote Motu. (2) Kia tukuna he mihi ma te iwi Maori ki nga kaiwhakahaere o te Tahua a Te Wiremu mo ta ratou manaaki nui i te oranga mo te Pihopa Maori. (4) E whakaputa ana tenei Komiti Tumuaki i te mihi kite Pihopa o Waiapu, mo te kaha o tana awhina i te take mo te Pihopa Maori. (4) E mihi ana tenei hui o te Tai-rawhiti ki a Te Arawa iwi me tona Poan, mo ta ratou taumautanga i te moni e AT 50 i te tau, mo te oranga mo te Pihopa o Aotearoa. (5) Kia puta he mihi ma tenei Hui ki nga mema o te Hinota Tianara mo ta ratou, whakaaetanga i te tono a te iwi Maori ki tetahi Pihopa Maori mo ratou. - (6) E mihi ana tenei Hui ki a P. Peneti mo tona kaha kite whakahaere i te take Pihopatanga Maori i roto i te Hinota Tianara. (7) Kia puta he mihi ki to tatou kaumatua ki a AtirikonaHapata Wiremu mo tona wairua aroha nui kite iwi Maori, me tona mohio kite whakatakoto i nga kaupapa 0 te Pire i te aroaro o te Hinota Tianara i mana ai te Pihopatanga mo te iwi Maori. (8) Kia waihangatia tetahi tahua i runga i te huarahi kohi 1 nga kaupapa whenua ranei hei oranga mo nga mahi a te Hahi mete utu mo te Pihopa o Aotearoa. (9) Me whai mana te Kaitiaki moni o te Pihopatanga, ki te whakapiki i nga moni o tetahi pariha e ngoikore ana, i runga i te whakaaetanga a te Pariha nana nga moni.

(10) Me whakatu he komiti mo ia Atinkonatanga, hei whakahau, hei tohutohu atu kite Tari i nga ahuatanga mo nga awhina moni mo nga mahi o ia pariha, tae atu kite oranga o nga Minita. ( 11 ) Kia tokowha te Komiti whakahaere i te taha moni mo te Atirikonatanga o Waiapu. Ko taua komiti ko Tutepuaki Pitt, R. Tamepo. Te Uranga Potae, Ta Apirana Ngata. (12) Kia tonoa kite ropu whakahaere i te Waiapu Trust mehemea ka taea e ratou te homai i te 10/- mo te pauna e kohia ana e nga Maori, a me mutu mai ta ratou awhina i te £ 1,000.