HUI TENIHI I HERETAUNGA.

Toa Takitini, Issue 81, 1 May 1928, Page 777

HUI TENIHI I HERETAUNGA.

N° te 7 o nga ra o Aperira ka timata nga whakataetae tenihi a nga toa o te Motu, Otira kua timata ke nga pnrei a te iwi kainga ite3i te 4 o nga ra. No te 5 o nga ra ka timata te whakaeke o nga mamihiri, 1 tae pea ratou kite 250, ana nga iwi kainga ka eke ai te kaute ki te 500, kite 600 ranei. Kei te whanga atn te Toa Takitini ki te ripoata a nga Hekeretari. Ka mutu tetahi o nga hui Ataahna ko tenei, Te pai o te marae, te pai o nga whakahaere. te noho pai o te tamariki, te nui ote ngahau, mete kore kupn kino, tanmaha ranei e mamae ai te tangata. Kore rawa te haurangi i kitea. Nui atn hoki te manaakitia o nga karakia, me nga hui Ahiahi mo nga take nunui. I tera ote Aranga, i waho te karakia nui, engari te karakia Hapa i roto i te whare-karakia kohatu o Te Pakipaki. Ki tonu te whare-karakia i nga tangata tango Hapa. Ko nga take nunui enei i whakahaeretia i nga hui ahiahi: — 1. MO TE At TE ME HUKARERE, i whakaaetia kia whakahokia te utu mo nga hapu o Ahuriri. 2. MO NGA KARAHIPI KAWANATANGA, kia whakaritea i rnnga i nga rohe Poari Whenua Maori, kia tohatohaina ai ki te motu katoa. .... 3. NGA KURA WHARE (Household Schools). Kia whaka-

aetia e te kawanatanga te kaupapa kura paknpaku (household) ki nga Maori. 4. SECONDARY INDUSTRIES SCHOLARSHIP. Kia whakahaeretia he tikanga mo etahi karahipi ako mahi ma nga tamariki Maori. 5. TE PIHOPATANGA MAORI. Ko te whakaaro o tenei Hui me Maori tonu hei Pihopa. 6. TARI OTE ORA. Kia whakahaeretia he tikanga etu ai he Takuta mo te iwi Maori ki nga takiwa e nohia nuitia ana e te Maori. 7. ROPU MAORI. Kia waiho ko nga hui whakataetae tenihi, hei wa huinga mo te Ropu Maori kite whakahaere i nga take nunui epa ana kite iwi nui tonu. 8. TE REO MAORI. Kia tae he mihi ma tenei Hui ki te kaunihera o nga University mo te whakaurunga i te reo Maori ki roto i nga take papahi mo te B.A. me te B.Sc. 9. REHIT A. Kia hanga he rehita mo nga tamariki ote iwi Maori kua puta i nga kura, a kua hoki ki nga kainga, kia mohiotia ai nga mea e noho he ana, kia awhinatia ai ratou kia tiakina, kia aratakina. 10. MEIHA PIKAKE. Kia whai whakaaro te iwi katoa ki te whakaara kohatu whakamahara mo Meiha Pikake te matua o a tatou tamariki i te wa o te pakanga. I kohia nga moni i tenei hui, a tae ana ki te £26 I tukuna tenei moni kite hui a Ngati Porou iTe Araroa | i te Anzac Day, ma ratou e whakahaere a tutuki noa. He mea whakapoto nga take nei kia uru ai ki te pepa o tenei marama. He wa ano tona ka takoto mai te ' ripoata a Ta Apirana Ngata mo enei take katoa, a mana ano hoki e mau atu kite Kawanatanga. Na te Etita.