HEI WHAKAMANA I TE PIHOPATANGA MO TE IWI MAORI.

Toa Takitini, Issue 81, 1 May 1928, Page 776

HEI WHAKAMANA I TE PIHOPATANGA MO TE IWI MAORI.

NO TE MEA e hiahiatia ana kia hanga he tikanga hei whakamana i te Pihopatanga mo te iwi Maori: ME WHAKAMANA, e nga Pihopa, e nga Minita, e nga mangaireimana o te Hahi o te Porowini o Nui Tireni e noho huihui ana i roto i te Hinota Tianara, nga take e man ake nei:— 1. Me whakatu he Pihopa awhina (Suffragan) i raro ite mana o te Pihopa o Waiapu, a me whakahua tona ingoa ko te Pihopa o Aotearoa. 2. Ko te Pihopa mo tana Pihopatanga ma nga Pihopa o Aotearoa nei e whakaingoa, a ko ta ratou e whakaingoa ai, me matua tuhitnhi rawa. Ko te ingoa i tokomaha ai nga Pihopa ki te pooti, ko tera hei Pihopa. Engari ko taua tangata hei te Maori. 3. Kami taua tangata e whakaingoatia hei Pihopa mo Aotearoa kia matua takoto rite kite whakaaro o nga Pihopa te oranga mo taua Pihopa, ara kia kaua e hoki iho i te £SOO i te tau he oranga mona, apiti ki tera ko te whare, mete utu mo ana haereere. 4. Ka whai mana te Komiti Tumuaki (Standing Committee) ote Pihopatanga o Waiapu ki te whakariterite i nga tikanga mo te utu i te oranga pihopa, i nga raruraru mo nga haereere. mete whare mo taua pihopa. 5. A te wa e whakaingoatia ai taua tangata, me whakaatu ki te Atipihopa, a mana e whakarite te wa mo te whakatapu 1 raro i te mana o te ture Taitara A Canon X. 6. Ko te mana o taua Pihopa he kai-awhina (Suffragan) i te Pihopa o Waiapu, a ka whai mana-pihopa ia ki runga ki te iwi Maori o taua Pihopatanga, me era atu Pihopatanga e tonoa ai ia e nga Pihopa o aua takiwa. Ka whai mana torn! taua pihopa a tae noa ki te wa e whakakahoretia ai tana raihana e te Pihopa nana i tuku, e tona kai whakakapi ranei. Me matua tono. i runga i te kupu i tuhituhia, e te Pihopa o tetahi Pihopatanga, ka ahei ai taua Pihopa Maori ki te momotu ite tangata hei rikona, hei piriti ranei, kite whakatapu hoki i! nga whare-karakia. 7. Me whai nohanga taua Pihopa i roto i te Hinota Tianara, me whai mana ki te korero, engari ko tana mana pooti hei to nga Minita. Ka whai mana ia i roto i te Hinota o te Pihopatanga 0 Waiapu, pera ano i te mana o nga Minita, engari i roto 1 era atu Pihopatanga ka whai mana ia kite korero, Kaore ki te pooti. 8. E whai mana taua Pihopa ki te whakakore i tona tuunga i runga i te kupu i tuhituhia, a ko tana rihainatanga me

mana i te ra i whakaaturia ai e ia. 9. Ka whai mana te Hinota oia Pihopatanga ki te whakarite i te tokomaha o nga mangai-reimana Maori mo ia Hinota mete whakarite ite kaupapa pooti mo ana tangata. 10. Ka whai-mana te Komiti Tumuaki o te Hinota Tianara kite whakatu poari, ame tapa te ingoa ko 44 Te Poari Pariha Maori.” (The Maori Pastorate Board). Ko te Pihopa Maori hei tiamana mo tana Poari. Ko nga mema mo tana Poari ko nga kai-tirotiro o te Hahi Maori oia Pihopatanga. Ka whai mana tana Poari ki te whakariterite, ki te whakahaere i nga pariha Maori, me te whakanoho i nga Minita mo ana pariha. Ka whai mana hoki te Komiti Tumuaki o te Hinota Tianara kite hanga rekureihana hei whakawhanui i nga main ma taua Poari. 11. Me whakauru ki raro i te ingoa nei 44 Maori ” o tenei ture nga tangata e kiia ana he Maori, nga uri o nga Maori, o nga hawke-kaihe Maori, nga tamariki ranei a nga hawhekaihe. 12. Ko te ture Title A. Canon XI. kua whakakahoretia. (Ko te whakamananga tenei i te Pihopa motuhake mo te iwi Maori i runga i te whakaaro o nga Pihopa me pakeha te Piho pa. Kua whakakorea taua ture inaianei.)