TE KAUNIHERA O TE ARAWA.
Ko nga Paero Apiti i mahia i te Poari Tiaki o te Takiwa o te Arawa mo te Kaunihera Maori o te Takiwa o te Arawa i raro i Tekiona 16 o te Ture Kaunihera Maori, 1900. NGA PAERO. 69. Ka ahei ia tangata kia whiua kia utu i te moni kia kaua e nuku atu ite £5 mehemea ki te mahi ac ia nga mahi kino e whai ake nei i roto i te kainga Maori, i roto i te Pa Maori, i runga ranei i te marae o tetahi whakaminenga whare ara:— (1) Kite tukino i tetahi kararehe. kite whakatiki, kite kore ranei e whakainu kite wai. (2) Kite waiho ranei i tetahi mea he tere te wera ite ahi ki waenga marae kite taha ranei o tetahi whare. (3) Kite whakararuraru i tetahi whakaminenga tangata e karakia ana, i tetahi hui ranei, i tetahi mahi whakangahau ranei. (4) Ki te mahi ite mahi rongo nui te kino, etieti, whakawehi, ateate, takahi ture, ai te mahi poke ranei, kite kanga ki te korero ranei i nga kupu whakawehi, ateate. poke, a patu ranei, a whawhai ranei ki tetahi tangata. (5) Ki te whakaatu i runga i te ngakau whakaae i tona aroaro kia takoto tahanga ana, ki te mahi ranei i era atu mahi poke. ■ (6) Kite haere pokanoa ki roto i tetahi Kainga Maori a ki te kore e rongo ki to haere ki waho o taua kainga i muri raai i te whakahaunga kia puta ia ki waho e tetahi o nga menu o te Poari Tiaki o te Arawa, o te Komiti Marae ranei e tetahi tangata ranei i whakaritea e taua Poari, Komiti Marae ranei mo taua. take.
70. (a) Kaua te tangata c mahi pikitia, i era atu ahum whakangahau ranei i roto i te Kainga Maori me matua whai raihana ra ano ia i whakawhiwhia ki a ia e te Komiti Marae. Kb taua raihana me haina e nga mema e rua o te Komiti Marae. ( b ) Ko te moni mo taua tu raihana kia kotahi pauna i te marama, i tetahi wahi ranei o te marama engari ka ahei te Komiti Marae te whakakore i te moni katoa, i etahi wahi ranei 0 te moni, mo taua raihana. (c) Ko te tangata e takahi ana i tenei paero ka ahei kia whiua i na whakataua lona he, kite moni kia kaua e neke atu 1 te £lO. Ko te mana i raro i enei paero e apiti atu ana, kaore e whakakore ana, i te mana o tetahi atu Ture. I paahitia enei tikanga-whakahaere i te hui o te Poari Tiaki o te Takiwa o te Arawa i tu ki Rotorua i te 19 o nga ra o Mei. 1927, a i tukua atu i raro i te Hiiri o taua Poari. H. TAI MITCHELL, Tiamana. No te Kahiti o Oketopa 13 enei panui e mau iho nei. Kia ora te Kaunihera o Te Arawa. He mana hou hoki enei kua riro mai nei i a koutou. I peheatia ra i ngawari noaiho ai te Kawanatanga ki a koutou na tono? He reka pea no te koura raua ko te kakahi? Kanui te mihi ki to koutou kaha, mete marama o a koutou tikanga, kia orate Kaunihera. ETITA.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19271101.2.6
Bibliographic details
Ngā taipitopito pukapuka
Toa Takitini, Issue 75, 1 November 1927, Page 681
Word count
Tapeke kupu
552TE KAUNIHERA O TE ARAWA. Toa Takitini, Issue 75, 1 November 1927, Page 681
Using this item
Te whakamahi i tēnei tūemi
See our copyright guide for information on how you may use this title.
Log in