TE AUTE KARETI ME HUKARERE KURA.

Toa Takitini, Issue 56, 1 April 1926, Page 380

TE AUTE KARETI ME HUKARERE KURA.

I ROTO i nga whakahaere o te hui i tu ki Tikitiki, Waiapu, i puta nga korero mo Te Ante me Hukarere. Ko te whakaaro nui o te hui e penei ana: —Kanui te pai o nga whakahaere o Te Ante, te taha ki nga matauranga me te taha ki nga mahi ahu-whenua. Katahi ano ka penei rawa te toko maha o nga tamariki e paahi ana i te “ matric ” na enei tau i noho mai ai a Mr. Loten, hei tumuaki. I whakaatu a Atirikona Himikini, hei tohu mo te pai o nga akoranga mo te taha ahu-whenua, kua whakaaetia e te Hawkeshury 1 Agricultural College o Ahitereria nga kaupapa ako ki nga mahi paamu o Te Ante. Mehemea kua paahi atu te tamaiti i Te Aute mo nga mahi ahuwhenua, kotahi te tau ka whakakorea ina tae ki Hawkesbury Kareti. He honore nui tonu tenei mo Te Ante. Mo te taha ki Hukarere, he nui tonu nga kimi haere a te Hui i etahi huarahi e rite ai te tipu o nga mahi o Hukarere ki nga ahuatanga o Te Aute. Ko te whakaaro nui o te Hui e penei ana: kaore ano a Hukarere i whiti mai kite ao hou. Ko nga tikanga, me nga whakahaere kei nga ahuatanga ano o mua. Otira no te tirotirohanga i etahi o nga huarahi hei painga mo Hukarere, ka uaua hoki te kitea. 1 te tuunga mai o Atirikona Himikini te hekeretari o te Poari o aua kura, ki te whakamarama i nga ahuatanga o Hukarere, ka whakaatu ia i nga rereketanga o Hukarere i te Aute. I Te Aute kia paahi rawa te tamaiti i te ono o nga turanga ka urn ai ki reira. I Hukarere, whakaaetia ai nga tamariki kua paahi i nga turanga o raro iho . Mehemea ka hiahia te iwi Maori kia penei a Hukarere me Te Aute, ara ko nga tamariki

kua paahi i te ono, piki atu nga mea hei tae ki reira, pai tonu,. ama te pera ka tae atu ai ki te Matriculation. Otira he tokomaha tonu nga matua e ki ana ko to ratou hiahia kia tukuna atu nga tamariki i te mea e pakupaku tonu ana, e ngawari ana te hinengaro. Ko tewhea o enei hei whakaae? Kaore e taea te whakanoho tahi o nga tamariki pakupaku me nga mea pakeke, ka nui rawa hoki nga karaihe, ka tokomaha rawa nga kai-whakaako, a ka pau te nuinga o te oranga o te kura hei whangai i nga kai-whakaako. Kaati, no matou ka hoki mai nei, ka timata ano te whiriwhirl a nga mana whakahaere i aua kura ki te huarahi e pai rawa ai a Hukarere. Kaore ano kia tatu. Kaati tonu mo tenei wa, }. te mea ka ron mai koutou nga tangata i tae ki te Hui i Tikitiki, kaore a koutou take i te waiho kia moe ana. Mehemea ki te waimarie tatou ki to tatou pihopatanga mo te iwi Maori, ko tetahi o nga mahi nui ma nga kai-whaka-haere o taua pihopatanga, ko te whakatakoto i nga kaupapa o te matauranga hei whakaako ma tena kura nui, ma tena kura nui, puta noa nga kura Maori o Aotearoa me Te Waipounamu-