HINOTA TOPU.

Toa Takitini, Issue 56, 1 April 1926, Page 376

HINOTA TOPU.

PIHOPATANGA 0 AKARANA. INOHO te hinota topu o te Pihopatanga o Akarana ki 44 Bishopscourt,” Parnell, i te 12-14 o nga ra o Maehe, 1926. Ko te Atipihopa te Tumuaki o te hui, 6na kai-awhina ko Atirikona Hokena raua ko Rev. Makewiremu. Nga minita i tae mai ko Rev. Canon Keretene, Revs. Wi Kaipo, Poata, Paraone, Harawira. Taurau, Panapa, Matene, Netana, Hone Karaka, Riiwhi, Raiti, Poihipi, Mutu Kapa. Nga mangaireimana ko Hemi Te Paa, Hori Tane, Paraone Netana, Hone Wi Kaitaia, Pari Tautari, Heke Te Rangi, Matene Naera. TE AI-KORERO A TE ATIPIHOPA. I roto ite whai-korero a te Atipihopa i puta tana whakamihi ki a Pihopa Korohere i aituatia e te motoka a kua moe ite moengaroa. He maha nga tau i tu ai ia hei Pihopa mo Akarana, a i runga i tona mate ka rihaina ia, a ko te Atipihopa nei i haere mai i te Pihopatanga o Waiapu hei tango i tona turanga. I puta ano he mihi mana mo te Rev. Makoare Taurere, me nga mangai-reimana kai-karakia hoki kua tangohia atu i roto i tenei toru tau.

KOMITI TUMUAKI O TE TAHA MAORI. No te Hinota Topu o te tan 1923 ka whakakorea nga hinota takiwa, ka whakaturia tenei Komiti hei mahi i nga mahi a nga Hinota takiwa, otira ko te tino take nui i whakaturia ai ana komiti he whakaaro no te Atipihopa, kia riro ano i te taha Maori te whakahaere o nga tikanga nunui epa ana ki te Hahi Maori. Tino nui tana whakamihi kite pai me te kaha o nga whakahaere, ki nga mahi nunui hoki i oti i taua komiti i roto i enei tau e toru. Ko te Komiti hou i whakaturia e te Hinota koia tenei: Rev. Canon Keretene (Tunmaki), Rev. Harawira (Hekeretari), Rev. Panapa (Kai-tiaki moni), Rev. Poata. Mangai-reimana: Hemi Te Paa, Era Pou, Heke Te Rangi. TE ORANGA MINITA. I puta te kupu kaha a te Atipihopa ko tana hiahia kia neke te oranga o nga minita ki tetahi wahi e ora tika ai ratou. E

tutuki ai tenei take, ma te kaha o te iwi kite awhina i te talma oranga minita. TE WHAKAHAERE A RATANA. Kua tino wehe inaianei te mahi a Ratana a kua tu he hahi hou. Na reira kia u koutou nga minita i runga ano i nga kupu oati ite takiwa i whakapangia ai koutou. Kia kaha i runga ano ite aroha. Ehara nga Ratana ite hoariri no tatou, engari he tamariki kuare kua kotiti ke. Na reira kia ata hanga koutou, kia kite mai ano ratou he mea hari nui ki o tatou aroaro ina kite ratou ito ratou he, aka hoki mai ano kite hahi matua. He maha nga whakaakoranga he i roto i tenei whakahaere hou, penei me a ratou akoranga he mo te iriiri, otira ko te hara nui o tenei tikanga hou, ko ta ratou titorehanga ite Tinana o Te Karaiti, ara ite Hahi. Kei te haere mai te wa e kite ai ratou i to ratou he, e hoki katoa mai ai hoki kite wahi tika, TE PIHOPATANGA MAORI. Ko te kaupapa nui i whakahaerea ai nga tikanga whakatu ite Pihopatanga Maori, ko te ripoata a nga minita Maori ite hui ki Rotorua. Ko etahi kupu i roto i taua ripoata e penei ana te takoto: “ He mea tika kia whakaaturia ki tenei hui te whakaaro 0 te iwi Maori hei Maori ano te pihopa mo ratou, otira i runga 1 nga uauatanga e kfitea iho ana e matou mo tenei turanga ite timatanga atu nei, kahore o matou whai nfui ite whakaaro o te iwi, engari ka whakaae tonu matou ahakoa he Maori he Pakeha ranei taua tangata ,.** Na runga i tenei tangi o taua ripoata i kaha ai te komihana kite hanga ite pire whakatu ite pihopatanga. Na reira ano hoki i whakapaua ai o matou kaha katoa ki te paahi i taua pire ite Hinota Topu i tu ki Poneke, a he mea tuturu tenei i paahitia taua pire i runga i to matou whakaaro hei pakeha te pihopa tuatahi. Kati i muri o te paahitanga o te pire, ka hui nga pihopa me nga mangai ote iwi Maori, kite whiriwhiri ite pihopa tuatahi mo Aotearoa. Na Ngata i whakapuaki mai kia matou te whakaaro kua oti ia ratou, hei Maori te pihopa, kauaka rawa te pakeha. Ki toku whakaaro e tino takahi ana tenei ite ripoata a nga minita ite hui ki Rotorua, koia ra hoki te kaupapa o tenei mea katoa. Mehemea e kite iho ana ahau tera tetahi minita Maori e taea e ia tenei turanga, maku tonu ia e whakatu. Otira kia mahara koutou, ehara ite mea ka mutu ano nga mahi ma te pihopa nei he kauwhau, he whakapa ranei, engari ka riro mana e whakahaere nga mahi katoa o tona pihopatanga. Ko ahau kei te mohio ki ona hohonutanga ki ona taumahatanga, a i tenei wa nei kahore he tangata o koutou e taea ai enei mea katoa. Ko taku whakaaro kia riro ia koutou etahi turanga

nunui i roto ite Hahi, kia ata akona ai koutou ki ona whakahaere katoa, hei mea ano hoki e riro mai ai tenei turanga ia koutou a tona wa. Na reira mehemea e kore e kotahi o tatou whakaaro mo runga i tenei putake, ko taku hiahia kia mukua rawa atu te pire whakatu ite pihopatanga i roto i nga kenana o te Hahi. Otira e tumanako ana ahau tera e kotahi o tatou whakaaro katoa, i runga ano i to tatou hiahia kia haere whakaraua te Hahi Maori kite hohonutanga o nga whakahaere ote whakapono. HE MOTINI MO TE PIHOPA MO AOTEAROA. I muri i te whai-korero a te Atipihopa, ka whakaatu ia i tona whakaaro kia riro ma nga Maori anake e korero i waenganui i a ratou o ratou whakaaro mo te pihopatanga Maori, me wehe atu ratou nga pakeha. Na reira i to ratou wehenga atu, ka whakahaerea tenei take, ko te Rev. Keina Poata te tiamana o te hui. Whakarapopototia ana kia torn ano nga putake hei whirlwhiri ma te hui: ara, (1) hei Maori te pihopa, (2) hei pakeha, (3) hei kore noaiho. Tino nui te whiriwhiri a nga mema katoa mo enei putake e torn. Kahore i whaia-nuitia te putake tuatahi i runga ano i nga whakamarama a te Atipihopa i roto i tana whai-korero. Kotahi tonu te whakaaro o te katoa ko te hopu i te pihopatanga Maori kua homai nei ki te iwi Maori hei taonga tuturu. E rua rawa nohoanga o te hui ka tatu te motini hei kokiri ki te hinota katoa. I te ata o te ra tuarua ka kokiritia te motini ki roto ki te hinota, a paahitia ana. Ko taua motini e penei ana Ko te whakaaro o tenei hinota. ko te pihopa tuatahi mo te Pihopatnga o Aotearoa, hei Pakeha-Maori.” Ko te whakamarama o te 44 Pakeha-Maori,” he Pakeha mohio kite reo Maori, ki nga tikanga Maori.