KAUA E WHAKAPAE TEKA.

Toa Takitini, Issue 53, 1 December 1925, Page 340

KAUA E WHAKAPAE TEKA.

HE inoi atu ki tc Etita kia pai koe ki te perehi ki Te Toa Takitini aku kupu whakamarama mo etahi korero parau kua rangona e ahau. I te niarania o Mei ka huri ake nei, ka tukua taku rihaina ote pariha ote Wairoa me Nuhaka kite Pihopa ko te take kia watea ahau me taku hoa wahine ki te whakatikatika i o maua ake raruraru, painga mo te tinana.. I tae mai te reta whakaae a te Pihopa me tana inoi mai kia noho tonu ahau kia tutuki te mutunga o Hune, a i whakaritea hoki e ahau tenei tono ate Pihopa. Ko a maua whakaaro ko taku hoa wahine he whakatutuki i nga take e paa ana ki o maua tinana ka mutu ka man ai ano ite mahi tapu ate Ariki i roto i te Hahi. Otira i te wa o taku rihainatanga kaore ahau i mahara kia whakamarama ahau ki te katoa ote tangata nga take o taku rihaina. Ka waiho tenei alma i ahau ka heke mai ki Poneke nei hei hanganga korero parau, whakakinokino moku ma etahi tangata whakaaro kino, puhaehae, ka wbakariroia ketia te take o taku rihaina ki etahi take ke noatu, take tito hanga parau waihangatanga na te whakaaro kino, puhaehae. I taku rongonga tuatahi i enei korero kaore ahau i whakaaro ki te whaiwhai i runga i taku mohio e kore nga tangata whakaaro pono e mohio ana kia maua e whakapono ki ana korero parau Otira i te mea kua whanui a kua hopu hoki te taha pakeha, a i runga ite manawapa ki te ingoa pai o taku hoa wahine mete karangatanga i runga i ahau tae atu hoki kite ingoa me te mahi tapu ate Hahi koia ka tuhi i enei whakamarama. Tuatahi.Ko taku rihaina i mutu ai ahau hei minita mo te Pariha o Nuhaka mete Wairoa, naku ake, kaore ite Pihopa i tetahi atu ranei. Tuarua.—l te hui poroporoaki i Nuhaka kia Rev. Weadon. Kaore ahau i kii na te Pihopa ahau i pana engari i kii ahau “ Ko taku rihaina naku ake, naku ake taku whakamutunga i ahau.” Noreira e inoi ana ahau kite hunga e aroha ana ki te pono me te tika kaua koutou e whakapono ki nga korero parau tito e korerotia ana moku engari awhinatia mai ahau kite rapu i te tangata, nga tangata ranei, na ratau i whakato enei korero whakakinokino, kohuru i nga tangata kahore nei a maua kino kia ratau. * Heoi na to koutou hoa aroha i rolo i te Axiki. Himepiri Munro. 48 Richmond Street, Petone.