KUA WAREWARETIA.

Toa Takitini, Issue 49, 1 August 1925, Page 283

KUA WAREWARETIA.

Ki To Toa Takitini, TENA KOE. I te Naina 18 o To Toa i tala tahitia a maua korero ko Manu; ko ana korero mo nga kura Maori, a, he nui ana kupu whakamihi mo tona kaumatua mo Te Popi; ko aku korero mo te kai-whakaako pae-ra-uta i warewaretia. Na nga korero a Mann mo Te Popi i whakaoho te pouri i toku ngakau—he pouri tawhito. Ko Te Popi tetahi tangata he tino nui ana painga kite Iwi Maori; ko tana mahi he mahi nui, he mahi taumaha. heoi ano i taea ai e ia na te ngakau nui na te aroha. He tangata tetere aTe Popi a i ona ra he tino kino nga huarahi, na reira he miharo tonu taku mo tona kaha. I te mea kua koroheke ia ka taka i tona hoiho. Kei te mohio nga iwi Maori katoa kite kaha, kite toa, ki te ngawari, kite aroha, o taua kaumatua. Otira, e te iwi, lie aha ta taua koha ki a Te Popi, hei whakaatu i to taua ngakau whakawhetai? Kua mate ia, a, i maharahara pea tona ngakau mo te kore tangi rawa a te Iwi Maori ki a ia, mo te kore whakaaro rawa. Kua tuhituhia kite pukapuka nga kupu a Tiati Hemi Wirihana mo te kore o te Maori e mohio ki tenei mea ki te whakawhetai, mo te wareware o te Maori ki nga painga o te tangata. He kupu taumaha enei kaati kia tupato taua kei tika.

He he nui hold te whakaaro-kore, te tikanga tutua. Heke noa ai o taua roimata, o taua hupe, mo nga tangata kaore i penei nga painga me o Te Popi; tapae noa ai taua i te taonga ki tfr pakeha kahore nei he wahi kite Iwi Maori, nawai aka kiki nga whare o te pakeha i te kahu Maori. Ko nga painga o Te Popi e kore e taea te tatau, te whakamatakitaki, te utu ranei kite moni, no te mea he painga ngaro, he painga wairua. Ko tana he rewena i te iwi nui mo te pai, he pokepoke i nga whakaaro, he hanga i te ngakau. He aha ra he whakaaro ma taua hei whakamaumahara ki a Te Popi, hei whakaaro mataotao, kua mate ke hoki ia? Otira he kore te kore rawa. He pakeke rawa pea te karahipi; engari pea te kohatu mo tona urupa, ahakoa kohatu iti? He pauna taku ina rite tenei take. Ma Manu e whakatau tenei take. Ina taku tangi mo Te Popi:Aue! kua memeha ra tou ingoa—a ko te wahi pu I hau nei ou rongo kua warewaretia. —Na R.T.K. : [He take tika tonu -tenei hei ata whiriwhiri ma tatou. Nui atu nga pai e puta nei ki te iwi Maori, ko nga kaupapa ia na Te Popi i whakatakoto iho. Kaore ano he tohu aroha ma tatou. Tera ano hoki tetahi kaumatua e tika ana hei manaaki. ma tatou, ara ko Te Tatana (J. Thornton). He pai rawa te karahipi hei maunga mahara mo enei kaumatua. Kei a koe kei a Ngati Porou te hui nui a nga, ra o Hanuere. He pai te waiho i enei take mo tena hui a tatou. Na te Eltita.]