HE PITOPITO KORERO NO TE MARAMA KA HURI.

Toa Takitini, Issue 49, 1 August 1925, Page 282

HE PITOPITO KORERO NO TE MARAMA KA HURI.

XT E maha nga take minui epa ana ki te iwi Maori i tupono mai i roto i nga ra o te marama ka hurt nei. TE HAHI MIHINARE MOTEHAKE MO TE MAORI. Kua kite iho tatou i roto i te whai-korero a te Atipihopa kite Hui i to ki Rotorua, kei te ata whakahaeretia tenei take e nga upoko o te Hahi. Kua maha nga tau o tenei take e korerotia ana. Otira no te wa i lae mai ai a Pihopa Ataria o Inin ki Niu Tireni nei, katahi ka hakakaupapatia tenei take. I enei tau ka luiri ake nei ka maha nga hui pakupaku kua whakahaere i tenei take. Engari no tenei tau tonu i tae ravva ai te take nei kite Hui Topu ote Hinota (General Synod) itu nei ki Otakou i a Pepuere ka huri nei. Na tana Hui Topu i whakahau te Hui i tu nei ki Rotorua. Ko te ripoata a taua Hui kei te Atipihopa. a mana e whakatakoto kite aroaro o te Komiti Tumuaki ote Hahi i Niu Tireni Standing Committee of General Synod >. Ka hui tera komiti ki Poneke ate 6 o nga ra o Akuhata nei. Kia oti mai te whiriwhiri a te Komiti Tumuaki katahi ano ka taea te perehi e Te Toa Takitini. He taumata ikeike rawa tenei i roto i nga whakahaere o te Hahi Maori. TE HOHONUTANGA 0 TE MATAURANGA. Kua oho etahi o nga hapu o te iwi Maori, kua kimi i nga kaupapa e tu tika ai, nga tamariki nga mokopuna a nga ra e takoto mai nei. Katahi ano te tau i penei rawa ai te tokomaha o tatou tamariki kua tae ki nga kura nunui o te Motu. ara ki nga “ University.' E tata ana kite rua-tekau nga tamariki Maori, taane, wahine, kei aua kura nunui. ara kei te whai i nga turanga me nga taitara ote matauranga hohonu. ! roto i nga iwi katoa o te ao, ko te tohu o te manawa ora o te iwi, ko te kaha. ko te matapopore kite whai i nga matauranga nunui. Waihoki ko te tohu mate o te iwi ko te whakahawea ki te matauranga kite kura. Engari ki a pangia taua hunga whakahawea nei e te mate, tere tonu te mohio me kimi i te takuta tino matau, ite roia i tino whakawhiwhia kite mohiotanga hei whakaora i a ratou. Ko Inia tetahi iwi kei te kaha rawa te

piki haere i runga i nga huarahi o te matauranga. Ko tetahi o ratou Kura Nui (University) kei Calcutta. Ko te tokomaha 0 nga tamariki Inia kei taua University e rua tekau ma ono inano (26,000). He tohu whakamiharo tenei. Kia kaha rate iwi Maori. TE POARI WHAKAHAERE I NGA TAKE MAORI. He tino waimarie to te iwi Maori i tenei wa i te nohanga mai o Pomare ma, o Ngata ma, o Tan Henare me Urn hei mema m© tatou. Ko nga mema pakeha kei te pakanga ki a ratou mo te kotahitanga te take. Ko nga mema Maori kua kotahi noatu. Kei te kaha rawa ratou kite whakahaere i nga tikanga e puta ai he painga kite iwi Maori. Kei te pakanga nga pakeha, kei te kohikohi mai nga Maori i nga kai i ngahoro iho i te teepu hei omo te iwi Maori. Te Tahua mo nga take Maori, he tino taonga mo tatou, me a tatou uri. Te rahi o tenei Tahua e £BO,OOO. I hui te Poari i nga ra whakamutunga o Hune. He tino tohunga katoa nga tangata o taua Poari ki tana mahi ki tana mahi. ko te Chief Judge Jones te Tiamana. Kaore i tae kite torn haora kua mutu te hui a te Poari, I roto i ena haora 1 tata kite £5,000 nga moni i whakapaua mo nga take nunui epa ana ki nga iwi ote Motu. Ko etahi mea pai ko te kaha o te Poari kite awhina haere i nga taniariki Maori e whakamomori mai nei i nga Kura Nunui o Niu Tireni nei.

Kanui te mihi ki a Te Raumoa me to tatou Pirimia mo te pai ote awhina mai i nga take marama epa ana kite iwi Maori. K Te Raumoa te Hekeretari ote Poari. Taria te wa e puta mai ai tana ripoata mo nga mahi a te Poari.