HE MOTINI NA TE HAHI RINGATU.

Toa Takitini, Issue 45, 1 April 1925, Page 215

HE MOTINI NA TE HAHI RINGATU.

ITE 1 o nga ra o Hanuere, 1925, ka tu te hui a te Ringatu ki Te Wairoa, Haki Pei. I taua hui ka tu a Rev. Hemi Huata kite aroaro o taua hui. I reira nga iwi ote Motu i raro i nga ritenga ote Ringatu. Ia ia ano hoki te taima mai ote 10 karaka i te ata a po noa. Koinei ano nga korero a Hemi, ara i ki a ia, kua houoa e Ratana te iwi Maori raua ko Tiapani, a tae atu te ahua o taua kotahitanga ki nga kiri pango puta noa ite ao. Ko nga iwi kiri mangu o te ao kei te tukinotia ete iwi pakeha, a kua rite ko te Tiapani hei awhina i te iwi Maori. I te mutunga o tana hui i te po, ka taha atu a Hemi ratou ko

tona huihui, katahi ka whakahaeretia taua take e nga rangatira o nga iwi katoa i reira. Koia nei te whakaotinga o taua take i kawea mai e Heemi ki taua hui; ara ko te motini tenei i paahitia:— 44 Ko matou ko te Hahi Ringatu i whakaeke nei ki tenei hui, kanui te popri mo tenei tikanga kua mahia nei e Ratana kite aroaro ote iwi Maori, me te Kingi, tae atu ki te iwi pakeha. Kua whakahaeretia e tenei hui, kua kitea ona ahua katoa, a koinei ta matou kupu: —E kore tenei hui e whakaae kia honoa ratou kite kotahitanga a Ratana. Kia hoki tena iwi, tena iwi ki tona whenua ki tona whenua, ma ratou e kawe taua whakataturanga ki rotoi ona rohe, a kia mohio mai ai nga wahanga o te Hahi Ringatu tuturu o Te Kooti Rikirangi i tena wahi i tena wahi ki te kupu kua paahitia e tenei hui, ara ko te Hahi Ringatu puta noa i te motu, e kore e pa atu ki nga whakahaere penei a Ratana, a ka noho tonu i raro i te maru o to tatou kai-awhina o Kingi Hori V.” E hoa koinei nga ingoa o nga iwi na ratou tenei whakaritenga: —Tuhoe, Ngati Kahungunu, Ngati Porou, Aitanga-a-Ma-haki me Rongowhakaata, Te Whanau-a-Apanui, me Whakatohea. Heoi ano. Na Rapata Peene, Wainui, Pepuere 13th, 1925. Tiamana o te Hui. Hekeretari o te Hahi. (Ehoa e Rapata, kei pouri mai koutou mo te mahuetanga o etahi o a koutou whakamarama. Ko te kaupapa tenei kua perehitia nei. He nui no nga korero whanui o te ao e whakawaha nei ki ta koutou tamaiti, ka kore ai he wahi watea o te pepa mo etahi o a koutou whakamarama. I tu he hui ma Ngati Kahungunu ki Omahu Haki Pei i raro i te mana Tiamana o T. K. Te Ua. Ahakoa kaore he ripoata i tukuna mai ki Te Toa Takitini o taua hui, ko te korero e penei ana: Kua tukuna atu ma to tatou kaumatua ma Ta Timi Kara, e ata patai ki a Ratana te tikanga o taua kupu mo 44 te marena o te iwi Maori ki te Tiapani ”iki ai ia, waiho ma maua ko Ratana e korerorero tena putake. No reira kua mutu nga korero mo Ratana, Tenei hoki te reta a Tuhoe whakaatu i tona piri-pono, me ana manaakitanga i te Kawanatanga, i nga kura, i nga hoia. Kia ora Tuhoe. Kanui te mihi ki to kaha. — Te Etita.)