HE PANUITANGA.

Toa Takitini, Issue 45, 1 April 1925, Page 213

HE PANUITANGA.

HE Powhiri tenei kite tai-whakarunga, kite tai-whakararo, ki nga iwi katoa, kia haere mai kite whakapuaretanga o APERAHAMA, Whare-karakia, e tu nei ki Waipiro, wahi o te Pariha o Hikurangi, a te Turei te 7 o nga ra o Aperira, 1925. Ka takoto te pereti i te ata ote Wenerei te 8 o nga ra, ka whakatapua hoki te Whare-karakia i te 10 o nga haora i tana ra. Ko te tuatoru tenei o nga whakaarahanga o tenei Wharekarakia, a, i tenei whakaarahanga ka hangaia kite kowhatu, ki te pereki, ki era atu mea hoki e kore ai e pirau mo nga whakapaparanga maha e tu mai nei. E te iwi, kua tino oti tenei o tatau Whare-karakia, a, he taonga ataahua kite matakitaki atu te kanohi. Kia pehea oti? Kei te hanga ra tatau he whare ataahua mo tatau ake i enei ra. Kia kaua ianei e hanga e tatau he whare mo te Atua kia hira noa atu te pai? Kua ngaro kite po te iwi naana i hanga nga whare tuatahi; kei te tanuku haere te whenua, ara kei te riro haere i te pakeha; kua noho whewehe te iwi, i ia tangata ki runga ki tona wahi, ki tona wahi. Na reira ra i pupuke ake ai te whakaaro i nga morehu tangata o Waipiro nei kia whakahoutia nga ringaringa o ratau matua kua ngaro atu ra kite po. He pakanga nui, he mahi mauiui, he taimaha hoki, a katahi ka ara tenei whare ki runga; i tata hoki kite £4,000 te utu, nuku tata ake, heke tata iho ranei. Kua rite te wahi rahi, a. ko te toenga hei te ra o te hui ka whakaritea. E te iwi, he mahi whakamutunga pea tenei, i te wa e man ana ano te Maoritanga. Kei te haere te ao hou me ona ahuatanga. Kua tino kaha rawa te whakaumuru o tatau toto kite toto pakeha; kai te kaha te heke mai a nga iwi kiri ma ki to tatau moutere, a, kei te haere mai te wa e kore ai e kitea tetahi Maori kotahi ki runga kite mata ote whenua. Otiia ehara tenei i te mea whakamiharo. He ture whanui no te ao, kite tutataki he iwi iti kite iwi rahi, ka horomia ake te iwi iti ki roto kite iwi rahi. Ka pena hoki te mutunga mo te iwi Maori. Haere mai ete iwi, kite whakamama i nga taumahatanga kei runga i tenei o tatau Whare-karakia. Kite whai rnoni e toe mai i nga raruraru o te Whare-karakia tera e tukuna ki nga take whanui tonu e takoto nei i o tatau aroaro. Haere mai! Haere mai! Heoi ano. Na Taiawhio Matehe Tuta Ngarimu „ Renata Tamepo Tuhaka Tautuhi „ Hone Potaka Harai Taukirangi „ Haare Parata Meeri Wharepapa „ Paratene Waiti Mate Kanoa Paputene „ Henare Rautawhiri Ripeka Kahotea Mete Whanau-a-Iritekura Katoa. P.S.—Kaua nga tamariki i raro iho i te 16 tau e haramai ki tenei hui.