TE TIUPIRI O HUKARERE.
HE WHARE-KARAKIA TE TOHU.
KUA tukuna atu te panui ki nga wahine i kurangia ki Hukarere, whakaatu mo te hiahia o nga kai-whakahaere o Hukarere, kia whakaarahia he whare-karakia motuhake mo nga tamariki o te kura he whakamahara mo te tiupiri. Mehemea kei te hiahiatia ano e etahi he panui kia tukuna atu ki a ratou, tukuna mai he tono ki a Miss Bulstrode, Hukarere Kura, Napier.
Ko te moni tuatahi kua tae mai, he mea tuku mai e Hon. A. T. Ngata ite tau ka huri nei. Ko taua moni he mea kohi e tetahi hui i tu ki tona whare. Ko te rahi o te moni £15,5/6. Kei te mihi atu nga kai-whakaako o Hukarere ki a A. T. Ngata me nga morehu o Ngati Porou mo tenei tohu aroha a ratou. Tera ano hoki etahi awhina kua tae mai. Hei te pepa o Maehe Ist ka whakaatu ai, Wahine ma, kia kaha mai ra ta koutou whakahaere i tenei take i tena marae i tena marae, puta noa a Aotearoa mete Waipounamu, whiti atu hoki ki Whare-kauri a tae atu ki Rarotonga ra no. Kaua hei wehi ki te tono moni mo tenei take. He take pai, tika, marama hoki. No reira hapainga, kia kaha.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19250201.2.6
Bibliographic details
Ngā taipitopito pukapuka
Toa Takitini, Issue 43, 1 February 1925, Page 176
Word count
Tapeke kupu
212TE TIUPIRI O HUKARERE. Toa Takitini, Issue 43, 1 February 1925, Page 176
Using this item
Te whakamahi i tēnei tūemi
See our copyright guide for information on how you may use this title.
Log in