HE RETA NA TE PIHOPA O WAIAPU KI ANA MINITA MAORI.

Toa Takitini, Issue 43, 1 February 1925, Page 174

HE RETA NA TE PIHOPA O WAIAPU KI ANA MINITA MAORI.

KI aku taina.Tena koutou i roto ite tau hou. Kia tau nga manaakitanga a to tatou Ariki ki a koutou katoa. Tenei etahi take hei whakaatu maku ki a koutou. NGA HUI TAKIWA. Ko te Hui Takiwa o te Atriikonatanga o Turanga ka tu ki Tikitiki 1 te 16 o nga ra o Maehe. Ko te Hui Takiwa o te Atirikontanga o Tauranga ka tu ki Rotorua i te Mane te 4 o nga ra o Mei. Ko te Hui Takiwa o te Atirikonatanga o Haki Pai ka tu ki Moteo i te 31 o nga ra o Akuhata. E hiahia anal ahau kia hui katoa mai nga Minita me nga Mangai-reimana i te ahiahi o te Hatarei, kia uru katoa atu ai tatou ki nga whakahaere o nga karakia o te Ratapu, kia tapu ai o tatou whakaaro mo nga take nunui hei whiriwhiri ma tatou i nga hui o te Mane. TE RETA 0 TIHEMA. I taku reta i tuku ai ki a koutou ia Tihema ka huri nei, i whakaatuatu ahau ki a koutou i nga tikanga mo te pooti i nga mangai mo aua hui. He whakatupato tenei kia pai rawa ta koutou whakahaere ite pooti mo ana tangata. Kaua hei pootitia nga tangata ei mohiotia ana kaore e tae kite hui. Tera etahi take taumaha hei whiriwhiri ma nga hui, no reira me tae katoa mai nga Minita me nga Mangai o te iwi. NGA RA 0 RENETI. Tenei ano hoki tetahi take nui hei whakaatu maku ki a koutou, ara ko te whakamana i nga ra o Reneti. Ko te ra tuatahi o Reneti he Wenerei. I tenei tau kei te 25 o nga ra o Pepuere. Kei nga ra o Reneti ka whakamaharatia e tatou nga ra e4O i noho ai to tatou Ariki ite koraha. Ka whakapau taumaha rawa a te rewera, a hinga iho i a ia te rewera. Kaore haere aua ra e 40, ka whakapangia ki a la te whakamatautau he wahi ma Hatana i roto i to tatou Kai-whakaora hara-kore. Kua wehea e te Hahi enei ra e 40 hei wa nohopuku, hei wa ripenetaripeneta mo o tatou hara takitahi, tae noa ki nga

hara o te hunga tokomaha e karangatia nei ko te tinana o te Karaiti, Tuarua he wa whakatikatika i o tatou wairua, i o tatou hinengaro, kia whiwhi ai tatou ki nga manaakitanga o te ra o te Aranga i ara mai ai to tatou Ariki.

He whakahau tenei ki a koutou kia whakaritea he karakia ki o koutou kainga nunui i te ra tuatahi o Reneti, ara i te Wenerei te 25 o nga ra o Pepuere.

I nga Ratapu katoa o Reneti me waiho ko te horn hei tino kaupapa kauwhau ma nga Minita. Kei te mohio tonu koutou ki nga tino hara o te iwi Maori. Ko te Kaupapa tuarua ko te whaki i nga hara. Ko te kaupapa tuatoru, ko te murunga hara i roto i nga toto utu nui o te Karaiti.

Ka tae ki te Paraire Pai (Aperira 10) me whakarite he karakia ki o koutou kainga katoa. Koinei te ra tino tapu o te tau, te ra i whakamamaetia ai i mate ai to tatou Ariki mo tatou. Ka hui mai tatou i tenei ra kite taha o tana ripeka whakaaroaro ai.

Kaua he mahi takaro, he ngahau ma tatou i tenei ra. Kia mau o tatou whakaaro kite taumaha ote hara, i ripekatia ai a te Karaiti. Ka hara tatou, ano kei te ripeka ano tatou i to tatou Ariki. Kia mahara ano hoki tatou kite nui o tona aroha i whakaae ai ia kia whakamamaetia ia kia whiwhi ai tatou kite ora. Ina te rereketanga o nga karakia o te Paraire Pai i o nga Ratapu. I te Paraire Pai kaore te Hapa o te Ariki e ivhakahaeretia. I tenei ra kei te matakitaki-a-wairua tatou kite Ripeka ote Ariki. I nga Ratapu me era atu ra e tango Hapa ai tatou kei te whakamaharatia e tatou te matenga o to tatou Ariki.

Kei te Ra o te Aranga te tino ra, e huri nui ai o tatou whakaaro kite aranga mai oto tatou Ariki ite urupa me tona noho ora mai tae noa mai ki tenei wa. “Na kei te ora tenei ahau a ake tonu atm” Na tona matenga ka takahia e ia te mana ote Kara mete mate. Na tona aranga mai ka whaka whiwhia tatou ki taua mana. Ka whakaritea mai e ia he kaupapa mo taua mana, ara ko te taro ko te waina, i te Hapa a te Ariki, hei whakarite mo tona tinana, me ona toto. No reira, e nga Minita, whakatakotoria te karakia o te Hapa ki nga wahi katoa o o koutou pariha i te ra o te Aranga, engari kia mahara ano hei te ata vvhakatakoto ai a tae noa kite 1 o nga haora ite awatea. (Kaua i nga haora ote ahiahi.) Kia tau ki a koutou nga manaakitanga a te Atua i roto i nga ra o Reneti tae noa kite Kuruparaire. Waiho tenei wa hei ripenetatanga mo d tatou hara, hei inoitanga kite Atua, a kia kite marama atu tatou i to tatou Ariki i roto i nga ra o te Aranga. Tena koutou katoa. Na to koutou matua i roto ia te Karaiti. WM. WALMSLEY WAIAPU, Pihopa.