26.—HE TANGI MO TE RAKAHURUMAI.

Toa Takitini, Issue 40, 1 December 1924, Page 36 (Supplement)

26.—HE TANGI MO TE RAKAHURUMAI.

Na Riria Turiwhewhe (Ngati-Porou).

I taia ano tenei waiata kite pukapuka a McGregor 44 Maori Songs,” p. 75. No te whawhai ki Waikato i te tau 1863, ka horo a Rangiriri, ka riro herehere etahi o nga iwi Maori, ka mauria ki runga kite manuao i Akarana. Ko McGregor tetahi o te ope pakeha, tiaki i nga herehere; nana i tono, ka tuhituhia o etahi o nga herehere nga waiata, i taia tana pukapuka. Ko Te Rakahurumai ano tenei i te waiata ra: 44 Ka mea e te mur i, ka tu mai te takahi ; a na Turiwhewhe ano tenei tangi mona. No te tau 1852 ka mate aTe Rakahurumai kite moana, he haerenga kite hi ika ite taunga warehou i Otuauri. Ka puta te parera, he hau kaha, e kiia nei he hau karakia; ina hoki mate ana nga waka, ka mate hoki te hau. Kotahi o nga waka, ko Tarairua, no Akuaku, i u ki uta. Kua tawhio te motu i enei waiata, e waiatatia ana hei tangi tupapaku, a hei waiata aroha; he pai hoki nga rangi. 1. He mahia waha i rangona e au . . Kei Taiporutu; l kia whitirere au, Ko koe ra, e koro, 2 e auraki ana mai. Kia moe tana i te maru aiahi, e i. 2. Te ao o te parera e koheri atu ra, E miri atu ra ia i waho o te Koreke; 3 [ E whanatu ana koe ki a te Rewarewa 4 ra, Nana nei au ko i whakatakurutu. E au tukino te manu, ka huri mai, Ka riro ia koe, ka mania i te rango, i. 3. Noku 5 te wareware, kihei rawa i puritia; Tukua kia haere,. kia tae te koronga Tera Puakato, 6 ko he waka kia oma; Kei tua Renata, 7 e aroha nei au, . I te wa, e hika, ko i piri tahai ana, e i.

4. Ka whiri nga mate ki nga momo rangatira Ka kawa nga ware, ka waikoherikitia, Ka kai he pua ke, ka rauiri ki te one, i. 5. Hei konei noa au porangi noa ai; Me penei ana te tiketike maunga, Marama te titiro kite tahora ra ia; Kei waho koutou, e kai ora i ahau, i. , HE WHAKAMARAMA: *Taiporutu. Kei WKareponga, Waiapu; he urupa. 2E koro. Ki etahi e penei ana, “Ko koe ra Paraire.” He ingoa a Paraire no te Rakahurumai. 3 Te Koreke——He toka kei waho o Whangaipotiki (kei te taha tai o Whareponga) he rerenga taruke. 4 Rewarewa. No nga whakawhitin<*a tenei, kaore ite kaupapa mai: kua ngaro te kaupapa ake. s Noku te wareware. —-Ki etahi e penei ana, “ E au kuare kihei rawa i puritia.” He taunpa ika kei waho o Tawhiti, he taunga warehou. Ki tetahi whakahua ” Tera Tawhiti.” 'Renata. Ko Renata Te Mauhamanu, ko te tama a Turiwhewhe raua ko Te Rakahurumai, i mate tahi atu ki te moana raua ko .te papa. Ki etahi e penei ana, ” kei tua koe e hika.”