TE UTU MO TA TATOU PEPA.

Toa Takitini, Issue 40, 1 December 1924, Page 154

TE UTU MO TA TATOU PEPA.

KUA maha enei tau e whakahaeretia ana Te Toa Takitini i runga i te utu ngawari rawa, ara i te 6/6 mo te tau. Kau kitea inaianei kaore e taea te perehi o te pepa penei te raid o ona wharangi, mo tera utu. Noreira he whakaatu tenei ka hikitia te utu ota tatou pepa ki te 10/- ite tau. Engari ko te utu liou ka timata atu i a Hanuere. Ko nga tono mo te pepa e tae mai ana i roto i nga ra o Tihema nei, ka noho tonu te utu kite 6/6 mo te tau 1925. Engari ko nga tono katoa e puta mai ana i te 1 o Hanuere, 1925, ahu atu, ka noho te utu ki te 10/- i te tau. Ko te hiahia o te Etita he whakapiki haere i te pai o te pepa, kia kaha ai te tiaho o tona maramatanga ki nga huarahi katoa e tika ana hei hikoitanga mo te iwi Maori. No reira ta tatou pepa ka waiho hei reo mo o tatou kaumatua, mo nga tamariki marama o tena iwi, o tena marae puta noa a Aotearoa me Te Waipounamu. Ko te pepa te kai-paihere i o tatou hapu maha ote iwi Maori. No reira ka inoi atu te Etita ki ona rangatira i tena wahi i tena wahi, kia manaakitia mai ta tatou taonga.