TE KAWANA.

Toa Takitini, Issue 37, 1 September 1924, Page 110

TE KAWANA.

KUA tata tenei ki te wa e mutu ai te whaimana o tona karangatanga Kawana mo enei moutere. A kei te poroporoaki haere hoki raua ko tona hoa wahine i roto i enei ra, ki nga marae huhua o te pakeha o te Maori e karangatia ai raua. Kanui te aroha mete tangi ote ngakau. itemea kua tata te wa e huri ai te aroaro kite wa kainga me ta raua whanau. I tangihia ai i arohatia ai ete iti e te rahi, he nui no ana painga, i runga i ana mahi, i ana korero, tapiri ki te ngkau humane, whakaiti hoki, kaore ana whakahawea kite tangata, no reira e tika ana tenei korero, katahi ano te tino Kawana pai. No te 21 o Akuhata nei ka tae mai ki KiKipane. ao ake i tetahi rangi ko nga mihi a te pakeha, i te 12 o nga haora, ka tae mai raua ko tona hoa wahine me nga hoa o te Kawana kite marae o Reeri Kara. He nui hoki te Maori i tae mai ki te poroporoaki, i mahia hoki nga mahi ngahau a te Maori, mete nui o te whakamihi o te Kawana ki nga whakanui me nga mihi mo raua ko tona hoa wahine. I tapae e Reeri Kara he taonga Maori kite Kawana raua ko tona hoa wahine, ara, he kakahu, he whariki, he turupou i te mutunga o nga whaikorero.

I runga i nga whaikorero a te Reeri, me Henare Rum, me Timoti Maitai, me Wi Korotau. I puta te tono a te Reeri kia waiho iho a raua tamariki i te kura o konei, hei whakahoki mai ano i a raua ki Niu Tireni nei. I tu mai hoki te hoa wahine o te Kawana ka mea: 44 E pouri ana aa e kore e taea e au te tono a Reeri Kara kia waiho iho aku tamariki. engari ka whakaae au kia hoki mai ano maua ko taku hoa me a maua tamariki a ona wa kia kitekite ano ia koutou.” Itu mai te Kawana a nui atu te pai o ana whaikorero, he whakamihi ki nga manaaki, me nga poroporoaki. I mea ia: 44 Ee tangi ana toku ngakau mo to maua wehenga i a koutou i tenei ra. E kore te iwi Maori e warewaretia me to koutou whenua ataahua. I muri nei kia u, kia kotahi te whakaaro kite kingi, ki te Kara. .Otira kua kitca nuitia, te u, mete kotahi o ton whakaaro ki te hapai i te Emepaea, i awhina nuitia nei e te iwi Maori, te karanga a te Emepaea i te pakanga nui. whakaharahara o te ao, a he maha nei o a koutou tamariki i tuku i a ratou mo te mate.” , — Tame Arapata.