NGA HUI A NGATIKAHUNGUNU.

Toa Takitini, Issue 37, 1 September 1924, Page 109

NGA HUI A NGATIKAHUNGUNU.

EWHA nga hui nunui a Ngatikahungunu i tu katoa ki Omaha ite 20 me te 21 o nga ra o Akuhata. ' TE TATAR A KOHATU.—No te 10 o nga haora i te ata o te Wenerei ka whakatapua e te Pihopa o Waiapu te waara kohatu ote urupa me te whare-karakia. Ko Hemi Huata, ko P. Hakiwai, me Peneti nga hoa mipita o te Pihopa. Te kau r whan ate Pihopa:— 44 Ko te ingpa tawhito ote urupa ko 4 Te Eka a te Atua/ Kei te haere mai te ra ote Aranga hei mohiotanga mo tatou ko ratou ma e takoto mai nei ka ora mai ano* Ko enei keeti maitai mete waara kohatp, he tohu aroha mo ratou, ara mo o koutou matua, Maori, pakeha. E mihi ana ahau ki nga Maori na ratou nei i whakaara enei waara. Ite mea kua kitea to koutou mohio kite hanga waara kohatu, ko te tumanako, kia tu i a koutou he whare-karakia kohatu, na o koutou ringaringa tonu i whakaara. E mihi ana hoki ahau ki te pai ota koutou tiaki ito koutou urupa. Waiho tenei hei tauira ki etahi o nga pariha i roto i to tatou pihopatanga.” Na Ta Timi Kara i whakapuare te keeti maitai. RA WHANAU O TA TIMI KARA. Itell o nga haora ka powhiritia aTa Timi Kara ki te marae o Kahukuranui. Ko te 67 tenei o nga tau o Timi. Ka tu mai a Taranaki Te Ua, a Mohi Te Atahikoia, a Te Hapuku, a Hori Tupaea me etahi atu. Ko te Pihopa raua ko Mr. McKay, mema mo Haki Pei. i tu atu mo te taha ki nga pakeha, a na Takuta Te Rangihiroa, M.D., D.5.0., i whakarapopoto nga mihi. Na Peneti i panui nga waea, tata ki te 100 o nga wahi katoa o te motu, he mihi ki a Timi. Na te tamahine a Moori Perry i tapae te toko.toko aroha. a N’Kahunguriu ki a Timi, a pa Penety i tuku atu te keke ra whanau i tukuna mai ai e Moori i runga i te ingoa o Ngatikahungunu katoa, hei aroha ki a Timi. Ko nga kupu i runga i te Keke e penei ana: He tohu aroha na Ngatikahungunu ki to ratou morehu rangatira ki a Ta Timi Kara ite ekenga o ona tau kite 67, Akuhata 20, 1924. 44 Hearty congratulations to Sir James Carroll.” I te 1 o nga haora ka takoto te hakari a Ngatikahungunu, Kaore he kai i ngaro, kai pakeha, kai Maori, tae atu kite huahua ra no i runga i te tupu e hora ana. TE KAWANA. Ite 2.30 ka tae mai te Kawana kite marae. Ka hutia te haki, ka tu katoa ki- runga ka waiata i te waiata mo te Kingi i te reo Maori. To mutunga iho ko nga powhiri ran rakau, ko nga liaka, me nga poi. Ka tu atu a Taranaki Te Ua kite whakaputa i nga mihi mo te Kawana. Pai atu te takoto o aha korero. Ko ia anake itu kite korero. Te mutunga iho, ka haere atu aTe Awhi hoa wahine o Taranaki, kite tapae ki, te Kawana, i te hoe whakairo, i hoea mai ai nga waka i te Moana-

mii-a-Kiwa. Ka tu atu a Maku Erihana ki te tuku aroha kite wahine ate Kawana ara ite Pora mete kete kiwi. Ka tu mai te Kawana ka mihi ki nga iwi e manaaki nei i a ia.

WHAI KORERO A TE KAWANA: “ Kanui to maua mihi ko toku hoa wahine mo te nui o ta koutou manaaki i a maua i tenei ra. He mea whakamiharo hoki a koutou haka me nga poi. Tenei hoki maua te mihi nei mo a koutou taonga i tapae mai nei ki a maua. Kaore rawa maua e wareware ki a koutou ki te iwi Maori. Otira mehemea ka tupono te wareware ka waiho ma ta koutou hoe whakairo e whakatipana o koutou ahuatanga ki a maua i tera taha o te ao. Nui atu taku koa mo tenei taonga, ara mo te hoe nei. he heramana hoki ahau, he pera me o koutou tipuna i hoe mai nei i nga moana ote ao. Ko o koutou tipuna te iwi mohio atu o nga iwi katoa ote ao kite haere moana, kei runga ke atu to ratou kaha kite haere moana ite kaha of Columbus, te tangata nana i kite a Amerika. r Tenei hoki tetahi o ratou uri e whakanuia nei e koutou i tenei ra, ara a “Timi,” te tangata kua noho mai i nga nohanga honore tae noa atu kite nohanga ote Pirimia o tenei Tominiona. Kia mau i a koutou te wairua kaha o koutou matua. Kanui te pouri mo koutou ka mahue nei i a matou. Otira tena ano tona wa e hoki mai ai matou ki a kite i a koutou. Ko to koutou aroha, ko to koutou kaha, me to koutou toa e kore rawa e warewaretia.